Read SEBR SÕNGO, 1998 Yɩɩla 43 Bible Online

Yɩɩla 43 - SEBR SÕNGO, 1998 bible

Yɩɩla 43

¹Soaala, bool-y m bɛɛba bʋʋdo; fãag-y-ma tɩ yaa nin-yaalse, neb sẽn mi zirẽ-beedo la sẽn ya nin-kʋʋdba.

²Yãmba, m Wẽnd la m tãnsoben-doogo, maana a wãn tɩ y basd-m kɛɛnga? Bõe tɩ m na n kong n loog ne nen-gãnenga? Bõe tɩ y bas m bɛɛba tɩ na n beds-ma?

³Tool-y-m y vẽenema la y sɩda tɩ b vẽneg m sora tɩ m dʋ y tãn-sõngã, la m paam n kẽ y ro-sõnga pʋga.

⁴M sã n paam n ta y maan-kugrã m sã n paam n kolg Wẽnde, Wẽnd ninga sẽn pids-m ne sũ-noogã, tɩ m zĩi tɩ yaa saoog la m lengdã, ad-y m na rɩk m kʋnde n pẽg m Soaala la m Wẽndã!

⁵Bõe tɩ m na n sãam m sũuri, la m yõk yãbre ne m menga? M sẽn na n teeg Soaalã n são, m sẽn na n le sɩng b pẽgrã n são, tɩ bãmb la m Wẽnde la m Fãagda.