Read SEBR SÕNGO, 1998 Yɩɩla 46 Bible Online

Yɩɩla 46 - SEBR SÕNGO, 1998 bible

Yɩɩla 46

¹Yɩɩla naab la a Kore kamb yɩɩlle. Yɩɩnda wa biig kʋʋre.

²Tõnd yĩnga Soaala yaa soondg zĩiga, yell sã n pake, bãmb la d sõangda.

³Woto wã, ba tẽnga miimda, d ka rigd ye, ba kooma pʋgẽ tãmsa tar kɩllgo, dabeem ka ye.

⁴Mogra koom ningda a rãamde, a zẽkdame n kuiis yĩngri tɩ tãmsa rigda.

⁵La kʋɩlg a ye n be n kõt sũ-noogo, t'a naoor yegd Wẽnd tẽnga, tẽng ning sẽn yɩɩd a taaba ne sõmblem.

⁶Wẽnd zĩi tẽn kãng sʋka la bũmb kõn maam-a ye. Wẽnd tẽra a yelle, beoog sẽn vẽege.

⁷Bu-zẽmba yik n wilgda b sũ-pa-noanga, nanams yik n boba tãpo, la Wẽnd sẽn tãse, tẽnga sɩnga miungu.

⁸Dũni fãa Soaala bee ne tõndo, a Zakoob Wẽnda la tõnd tãnsoben-doogo.

⁹Wa-y n ges-y Soaala sẽn maan d yĩnga. Wa-y n ges-y tʋʋm-bãna b sẽn tʋm tẽng zugu.

¹⁰B kɩtame tɩ zab yalse, al tẽnga sɩngrẽ n ta a sɛtmẽ, n kɩt tɩ tãbd la kãn kao, n kɩt tɩ bugum na n kok gãndo.

¹¹Kelg-y b sẽn yete: «Bas-y zaba, deeg-y tɩ maam la Wẽnde, m luba dĩm dãmba, m soo tẽnga gilli.»

¹²Dũni fãa Soaala bee ne tõndo, a Zakoob Wẽnda la tõnd tãnsoben-doogo.