Read SEBR SÕNGO, 1998 Yɩɩla 5 Bible Online

Yɩɩla 5 - SEBR SÕNGO, 1998 bible

Yɩɩla 5

¹Yɩɩla naab sebrẽ la yɩɩlla be, la yaa a Daviid yɩɩlle. Yɩɩn-kãnga yɩɩndame tɩ wɩɩs peebdẽ.

²Soaala, kelg-y m koɛɛga, wʋm-y m wõosgo;

³kelg-y m koɛɛga, m yãbra lʋɩ y tʋbrẽ, m dĩm la m Wẽnde, tɩ yaa y sɛɛg la m yõkda.

⁴Y kelgda m koɛɛga yibeoogo la yibeoogo m segenda m kũuni, n gũudẽ!

⁵Yãmb pa Wẽnd sẽn sakd wẽng ye, nin-yoog ka tar zĩig y sɛɛgẽ ye.

⁶Goam põaas soab ka wat y taoore, y kisa yel-wẽn-maandba fãa,

⁷y menesda zirẽ-be-rãmba, soey! Y menesda zãmb soaba la sẽn daagd-a a taab zɩɩm; Wẽnd sẽn kis la bãmb dãmba, Wẽnd yãka b bark zãnga.

⁸Soaala sẽn ket n nong-m yĩnga, ad-m sẽn kẽed b zakẽ, ad-m sẽn wõg ne waoogre tɩ m neng tees b ro-sõngo.

⁹Soaala, y sõmblema sor la m dat n dɩke, sõng-y tɩ m da rɩk m bɛɛba zak sor ye.

¹⁰ [7†] Sɩd ka be b noorẽ ye, b pida ne wẽnem bal n kẽnda; b yaaga b kokora wa yaoogo, b gom yã, b gãnegda bẽdgo la salse.

¹¹Soaala, bao-y sɩbgre n sɩbg-ba, bas-y tɩ b bẽdga lɛɛg n yõk-ba; b tʋʋm yooda yĩnga, pĩng-y-ba, b sẽn zẽkd b zug ne yãmba yĩnga, rig-y-ba.

¹²Sẽn dɩk-b yɛla fãa n bas ne yãmbã, bãmb fãa langda ne sũ-noogo. B sũ-nooga yaa b sẽn mi tɩ y kogend-b lame. Bas-y tɩ sẽn nong-b yãmba kaas b sũ-noogo.

¹³Soaala, yãmb n pidsd nin-sõng ne barka; yãmb nonglma lebga a gãongo, n kokd bɛɛb pɛɛm.