Read SEBR SÕNGO, 1998 Yɩɩla 50 Bible Online

Yɩɩla 50 - SEBR SÕNGO, 1998 bible

Yɩɩla 50

¹A Asaf yɩɩlle. Soaalã, Wẽnd akɩkã, goma ne tẽnga rãmba, b boola yaang la nin-taoor dãmba.

²Wẽnd yãgda ne ne neerem menga Siõ tãnga zugu.

³Bɩ d Wẽnd wa la b gome, b gom la b ra sĩnd ye. Bugum n zoet bãmb taoore n tar dɩɩbo la b meng be sob-raoog sʋka.

⁴B boola yĩngr la tẽng zug rãmba tɩ b buuda bʋʋdo, na n bʋ b b taoore.

⁵Ad-y b yeelame: «Tigim-y m neba n kõ-ma, tigim-y sẽn yõg-b zood ne maam, zood sẽn yõg maan-kugra taoore.»

⁶Ad-y yĩngr dãmb deegame tɩ bãmb la Wẽnd ninga sẽn bʋʋd-a ne zemsgã.

⁷Kelg-y yã, m neba, tɩ m na n gomame, Israyɛl kelg tɩ maam n bool f bʋʋdo, maam, fo Wẽnnaama.

⁸M tara zabr ne foo la ka f maanda poorẽ ye tɩ m ne-b-la m taoor wakat buud fãa.

⁹La kelge, m kõn yõk f zak naaf ye, m kõn yõk f wubr boɛɛg ye.

¹⁰We-rũmsa fãa ka maam n so laa? Maam n le so rũms niynsi sẽn kɩɩmd tãms ka tɛka zutu.

¹¹M mii luiili wã sẽn yɩgd yĩngra fãa, we-rũmsa fãa yaa maam n so.

¹²Kom da tarẽ maam me, m kõn leok-y tɩ bũmb ye, tɩ dũni wã ne a pʋgẽ teeda fãa yaa maam n so.

¹³Niisa nemd la m na n wãb bɩ, bɩ yaa boeesa zɩɩm la m na n yũ?

¹⁴Sõng n pẽg Wẽnde, f pẽgra la f maoongo. Sõng n pids f sẽn pʋlem Yĩngr Soaala.

¹⁵Gũ ra-beeda marsã n bool-ma, ad-m na fãag-fo la f na kils m ziiri.

¹⁶Ad Wẽnd sẽn leokd wẽn-kɩɩsa: «Bõe tɩ f zĩ n sõdgd m noya, tɩ f noor gomd zood goama, zood ning d sẽn yõg ne taabã,

¹⁷tɩ f yaool n pa reegd m saglgo?

¹⁸Fo sã n yãend wagdre, y na zems taaba, f be yoaadb sʋka, fo lebga b tũud-n-taaga.

¹⁹F noor sẽn mi yaa wɩdse, f zelemd sẽn tõe yaa zirẽ-beedo.

²⁰Fo moor kõn zems ne f to ye, f saam-biiga la f vuud begdẽ.

²¹Woto la f tʋʋma, n yaool n yet tɩ m sĩndi? F tẽedame tɩ m wẽnd-f lame? M yɛdgda f beegra fãa f taoore, m ningd-f-la taale.

²²Ning-y rẽ y yamẽ, yãmb fãa sẽn yĩmd Wẽnd yelle! Ka rẽ m na n tõosa zɛrma la ned kõn tõog n gɩdg-m ye.

²³Ned ninga sẽn mi-a mam pẽgre, yẽ soab n wat ne a bark pʋʋsg bũmbu. Ned ninga vɩɩm sẽn tũud sore, m na wilg yẽ soab tɩ maam la Fãagda.»