Read SEBR SÕNGO, 1998 Yɩɩla 53 Bible Online

Yɩɩla 53 - SEBR SÕNGO, 1998 bible

Yɩɩla 53

¹Yɩɩlla bee yɩɩl-naab sebrẽ. A Daviid yɩɩlle. Yɩɩndame tɩ wɩɩs peebdẽ.

²Gãeemsa gomdame: «Wẽnd ka ye!» Adem biig fãa sãamame, b kẽesa b mens yel-yoodẽ. Sẽn le maand-a neer ka ye.

³Soaala sulgame n na n gese, n na ges yam soab sã n ketame n baood Wẽnde.

⁴ [50†] Fãa kẽe moogo, fãa zaa ne wẽnem wĩiri. Sẽn maand-a neer ka be, ba a ye.

⁵B yalemdã n zem b wẽnema. Bãmb n tãag m neba n sɛ zãng wa buri, n yaool n zɩ n gomd ne Wẽnd ye.

⁶B waa n yikame n tar digbu tɩ sẽn sek rigb yaool n da kaẽ ye. Wẽnd meng b toor n na n sẽeg b bɛɛba kõaba, b na n dɩɩ yãnde.

⁷Ãnda n be Siõ n sõngd a Israyɛl t'a tõogd a bɛɛba, sã n ka Soaalã? A Zakoob langdame, t'a Israyɛl kɩdemd sũ-noogo, tɩ Soaala-Wẽnd n lɛɛg n wat ne b pa-weto.