Read SEBR SÕNGO, 1998 Yɩɩla 54 Bible Online

Yɩɩla 54 - SEBR SÕNGO, 1998 bible

Yɩɩla 54

¹Yɩɩla naab kɩtdame tɩ b yɩɩle ne ruuds la koala. A Daviid yɩɩlle.

²[51†] Yɩɩ Zif tẽng rãmba sẽn waa n wilg a Sol t'a Daviid waa n solga a meng bãmb sʋka.

³Soaala, wa-y ne y pãnga n fãag maam. Wilg-y tɩ b bãng tɩ yãmb n kõt-m bʋʋm.

⁴Soaala, wʋm-y m pʋʋsgo, kelg-y m sẽn togsde.

⁵Bu-zẽmba baoo zabr ne maam, nin-kʋʋdba dat n daaga m zɩɩm la b pa geelg n ning Wẽnd sʋk ye.

⁶Mik Wẽnd ya-la m sõangda, bãmb bala.

⁷Woto wã bɩ b ra bas sẽn dat-b maam ne wẽnga ye, y sẽn nong maama bɩ y menes-ba.

⁸Yɩta ne yamleoog la m na n kʋ maando y yĩnga, la m pẽg y yʋʋr sẽn pid ne sõmblem.

⁹Soaala yols-m-la ne yɩɩr buud fãa, tɩ m me kẽnd la m yĩgsd m bɛɛba.