Read SEBR SÕNGO, 1998 Yɩɩla 6 Bible Online

Yɩɩla 6 - SEBR SÕNGO, 1998 bible

Yɩɩla 6

¹A Daviid yɩɩlle; a bee yɩɩla naab me sebrẽ; yɩɩnda ne pɛndg buudu.

² [8†] Sɩbg-y-ma, Soaala, la ra yɩ ne sũ-puur ye. Sɩbg-y-ma la ra tũ ne sũ-fõor ye.

³Zoe-y m nimbãanega tɩ m sɛt n dabdame. Sãoog-y-ma, waooda kẽla m kõaba fãa,

⁴m digda wala kõb yɛnga. Soaala, y na n maana a wãna?

⁵Lɛɛg-y n waa-y yã, Soaala, n fãag-ma fãag-y-m yɛsa wa y sẽn maand daar fãa!

⁶Kɩɩmkulgu ãnda n pʋt y yʋʋre, la bʋg-tẽnga ãnda n pʋt bark pʋʋsg yɩɩlle?

⁷Waasga sɛ-la m pãng fãa, yʋng fãa m gãaga yʋgemda ne m nintãm, m nintãma madgda m gãaga.

⁸M sũ-sãangã n vẽbs m nina; m bɛɛba labsa, b sõadg yiigda m nini.

⁹ [9†] Bɩ nin-wẽnsa fãa zãag b meng ne maam, tɩ m kɛlenga lʋɩɩ y tʋbrẽ, Soaala.

¹⁰Soaala wʋma m kosgo, m kosga ta-la b yam.

¹¹Bɩ yãnd la rabeem yõk m bɛɛbã, yãnd kɩt tɩ b lɛɛg n kʋɩ tĩiga!