Read SEBR SÕNGO, 1998 Yɩɩla 60 Bible Online

Yɩɩla 60 - SEBR SÕNGO, 1998 bible

Yɩɩla 60

¹A Daviid yɩɩlle. Yɩɩla naab yɩɩnd-a lame t'a wẽneg: lɩɩng kaseto. Yaa yɩɩlle sẽn naag ne zãmsgo.

²[55†] Yaa a sẽn waa n zabd ne Mezopotami la Sova Aramse. Yaa a Zoab sẽn waa n tõog Edom dãmb, bãmb tus piig la a yiibu, yamsem bãg-faagẽ.

³Soaala, yãmb basa tõndo tɩ d zoe n sẽeg zãnga. Y sũur da kãbda ne tõndo, leb-y n tigim-y-do.

⁴Yãmb kɩtame tɩ tẽnga digimdi, yãmb kɩtame t'a pus mugnum. Wa-y n sẽ-y tẽnga peesã tɩ b ra sẽeg ye.

⁵Y buuda vɩɩm waa n yɩɩ toogo, y waa n yũnug-d-la rãam sẽn lubdi.

⁶Y wilga sẽn zoet-b yãmb nifu wakat ning, b sẽn na n zoe n põs bɛ ninga sẽn tãood pɛɛma.

⁷Bɩ y modg n leok-do; la y rɩtga me maan bũmbu n fãag y sẽn nong b rãmbã.

⁸Wẽnd zĩnda b roogẽ wã n leoke, tɩ m kɩdemnẽ. M maanda Sikɛm wa m sẽn date, m pasda Sukot vẽenem.

⁹M soo Galaad la Manase. A Efrayim la m dɩk n fõgne m zug wa zug-peoogo, t'a Zɩɩda ya m naam dasaare.

¹⁰A Moab yaa la-zulunga, yẽ pʋgẽ la m pegd m menga. A Edom yaa m soolem, rẽ ka be no-koeemd ye. M tõoga Filisti n kaas m sũ-noog kaasgo.

¹¹Ãnda n na n sõng-m tɩ m ta tãnsoben-doogã? Ãnda n na n tall-m n ta Edom?

¹²Sã n ka yãmba, m Soaala? D Yaool n neeme tɩ yãmb bas-d lame, y pa le yãagd d tãb-biisa zabrẽ ye.

¹³Wa-y n sõng-y-d ne d bɛyã tɩ laong ka yiisd laong bugmẽ ye.

¹⁴Wẽnd sã n be sʋka d na maan daoodo, tɩ yaa bãmb n na n tab d bɛɛba gilli.