Read SEBR SÕNGO, 1998 Yɩɩla 61 Bible Online

Yɩɩla 61 - SEBR SÕNGO, 1998 bible

Yɩɩla 61

¹Yɩɩla naab kɩtdame tɩ b yɩɩl ne ruuds la koala. A Daviid yɩɩlle.

²Soaala, kelg-y m boolgo, kelg-y m pʋʋsgo.

³M bee tẽnga yaanga n boond-y, m sã n wa ka le mi m sẽn maande. Sõng-y tɩ m ta m pĩiga zug tẽnsʋka tɩ pĩiga zãndame.

⁴M ta be, m ta m põasg zĩigẽ, tãnsoben-doog pʋgẽ la m paam n kẽ, tɩ m bɛɛba na n tare.

⁵M nongẽ lame n pa y sɩmannẽ wã daar fãa, n paam n solgẽ y maasmẽ.

⁶Ya yãmba, Soaala, n deeg m kosgo, n kõ sẽn nong-b yãmba b sẽn date.

⁷Kõ-y dĩma yõ-woko, a yʋʋmd a ye kaoos wa yʋʋm koabga!

⁸Kell-y n zĩndg-y dĩma y taoore. A kell n pa y nonglem la y sɩda vẽenemẽ.

⁹Woto m na tõog n pẽg y yʋʋra raar fãa, woto m na pids m sẽn kãab-y wã fãa.