Read SEBR SÕNGO, 1998 Yɩɩla 62 Bible Online

Yɩɩla 62 - SEBR SÕNGO, 1998 bible

Yɩɩla 62

¹Yɩɩla naab basdame tɩ Levitsa pʋde. A Daviid yɩɩlle.

²Sɩda, m gãee ne laafi Wẽnd taoore, m fãagra yita bãmb nengẽ.

³Bãmb la m pĩiga la m lilli, m paama m tãnsoben-doogo, bɛɛb kõn ling-m doogo.

⁴Rasma a wãn yɛsa la m bɛɛba na n kell n naag taaba n tar nin-yend pʋgbo, n baood n na n lub-a, n lub-a wa lalg sẽn kɩlle, wa wubri sẽn wurgi?

⁵M yʋʋra sẽn yi wã yĩng la b rat n dig-ma; n yik n lebg ninsaan-kazukma: b noora gomda noogo, la sũurẽ wã yaa kãab wẽnse.

⁶M neda, da maan dabeem Wẽnd sɛɛgẽ ye tɩ bãmb bal la m teeg yã.

⁷Bãmb la m pĩiga la m fãagr lilli, bãmb la m tãnsoben-doogo, zabr kõn ling-m doogo.

⁸Wẽnd la m fãagda, bãmb n sõng tɩ m yʋʋr yi; bãmb la m tãnsoben-doogo la m soondg zĩiga.

⁹Bɩ Adem biisa teeg bãmb wakat buud fãa, bɩ b wa b taoore n wilg sẽn be b sũurẽ. Wẽnd la d soondg zĩiga.

¹⁰Adem biisa faasa wa pemsem, rĩm biisa ne b naama me yaa belgre; f mag b zɩslma, f mag pemsem.

¹¹Da teeg-y pãn-tõog ye, da teeg-y fãab la wagdem ye. Y arzɛka sã n wa paasdẽ, bɩ y ra yãg n yõgem y noor ye.

¹²Yaa naoor wʋsgo la m wʋm Wẽnd tɩ b gomda: «Yaa maam bal n tar pãnga!»

¹³ [56†] Ad-y yãmb n naag n so nonglem, Soaala, tɩ y rond ned kam fãa wa sẽn segde.