Read SEBR SÕNGO, 1998 Yɩɩla 76 Bible Online

Yɩɩla 76 - SEBR SÕNGO, 1998 bible

Yɩɩla 76

¹A Asaf yɩɩlle. Yɩɩnda ne ruuds la koala.

²Wẽnd lika b meng Zɩɩda, b yʋʋra yii wʋsg Israyɛl.

³B wẽ-la b sika Salɛm, Siõ tãnga la b zaoolg b ro-sõngo.

⁴Yaa be la b kao bɛɛba tãbdo b gãongo la b sʋʋga, n sɛɛs zabre.

⁵Siõ yãgda ne neerem, be la bɛɛba laog reeg n zam wa tãnga.

⁶Tãb-biisa sẽn da pid ne raooda waa n mikame tɩ b reesa b teedo. B basame tɩ gõeem lub-ba. B sẽn neke b pa le yãend zab teoog b nugẽ ye.

⁷Yãmb mooga y nif ne bãmba, Zakoob Wẽnde, tɩ wiid la wed-dʋʋdb gĩin wẽneg n maage.

⁸Yãmb sɩd kẽesda rabeem, la ãnda n tõe n yals y taoore, y sũura sã n wa yik n kɛɛda?

⁹Yãmb bee yĩngri n kaood y bʋʋdo, tɩ dabeem kẽed dũni wã, t'a zĩ sɩɩ,

¹⁰yãmb sã n wa yik n yeele tɩ y na n fãaga dũni wã nin-bõonesã.

¹¹Ad-y neba sũur sẽn puuga menga na n lɛɛg n waa ne yãmb yʋʋra pẽgre. Sẽn põs-b bʋʋda, b sẽn ka paalg b rãmbã na n maana kibs n pʋʋs-y barka.

¹²Pʋlem-y y pʋleng y Soaala la y Wẽndã, la modg-y n pids y pʋlengo. Yãmb fãa sẽn be b sɛɛgẽ wã, wa-y ne kũuni n kõ Pãng-Soabã.

¹³B taoore rĩm biisa yɛɛsdame, tɩ tẽnga dĩm dãmba rigda.