Read SEBR SÕNGO, 1998 Yɩɩla 79 Bible Online

Yɩɩla 79 - SEBR SÕNGO, 1998 bible

Yɩɩla 79

¹ [90†] A Asaf yɩɩlle. Bu-zẽmba reega y soolma n yãmbe, Soaala, b rẽgma y ro-sõngã, b kɩtame tɩ Zerizalɛɛm lebg raboogo.

²B sẽn kood b rãmbã yĩnsi, b rɩk-b lame n lob yĩngr luiili, b rɩk-b lame n lob we-rũmsi.

³B budga b zɩɩma n gilg Zerizalɛɛm, la ba a ye sẽn paam yaoog ka ye.

⁴D yagsa tar-d lame n yaannẽ, d lebga d bɛɛb laad n gilgi.

⁵Soaala, y sũura sẽn ka maagdã, na n kell n yɩɩ woto n ta da-bʋre? Y sũura na n kell n kãba ne tõnd n ta da-bʋre?

⁶Fudg-y y sũura ne buud niyns sẽn ka mi-b yãmbã ne buud niyns sẽn ka waoogd-b yãmbã,

⁷tɩ yaa bãmb n tak zabr ne a Zakoob, la yaa bãmb n wã a soolem.

⁸Da rogl-y d zugu pĩnd yel-wẽna ye. Aya! Seg-y-d ne nimbãan-zoeere, tɩ yɛla sẽbga wʋsgo.

⁹Sõng-y-do, d Wẽnd la d Fãagda, tɩ y yʋʋra na paam pẽgre.

¹⁰Bõe tɩ y bas bu-zẽmba tɩ b gomda: «B Wẽnda bɛɛ?» Bɩ bu-zẽmba bãng rũnda bala, tɩ b na n doka b sũuri, b sẽn kʋ b neba yĩnga.

¹¹Bas-y tɩ b sẽn pag b rãmb rooga kɛleng ta yã. Y pãnga sẽn labs yĩnga, bɩ b ra kʋ b sẽn paalg b rãmb bʋʋda ye.

¹²Bɩ d yagsa reeg naoor a yopoe, b zugẽ, paoogr ning b sẽn paoog yãmba, Soaala.

¹³Tõnd sẽn ya yãmb buudã, y sẽn get b rãmb yelle wa rũm-kɩɩm ne a rũmsã, tõnd na tõog marsã n pẽg y yʋʋre, la d kils yã, zamaan ne zamaana.