Read SEBR SÕNGO, 1998 Yɩɩla 9 Bible Online

Yɩɩla 9 - SEBR SÕNGO, 1998 bible

Yɩɩla 9

¹Yaa a Daviid yɩɩlle; yɩɩlla bee yɩɩla naab sebrẽ. Yɩɩnda wa biig kʋʋre.

²Soaala, m na n pʋʋs-y-la bark ne m sũur fãa, m na n moona y tʋʋm-bãna.

³Y saoolg-m-la sũ-noog saooga la m kilsda y yʋʋre, yĩngr Wẽnnaam.

⁴Ges-y m bɛɛba sẽn lɛɛg n zoetẽ, ad b sẽn lʋɩt la b kiid y taoore,

⁵la rẽ yaa y sẽn bʋ m bʋʋda neerã, yaa y sẽn sak n zaond y bʋʋd tɩrsa goeela zugu.

⁶Y yeela bu-zẽmba tɩ b maan gũusgu, tɩ y ra wa kʋ-b ye, n menes b yʋʋr moog ye.

⁷Bɛ wã lʋɩ zãnga, a kõn le yik ye, yãmb sarma tẽnse tɩ b pa le tẽr b yʋʋr meng ye.

⁸Soaala la rĩm, beoog sẽn wate, b maneg n vigla b goeel n na n kao bʋʋdo.

⁹B geta dũni wã ne zemsgo, n zãad ãndũni rãmb wa sẽn toge.

¹⁰Bɩ b sẽn namsd b rãmba tɩ sool bãmba, n sool bãmba n tɩlg pɛta.

¹¹Yɩ-y sẽn mi-b yãmba teegda, yãmb zɩ n bas sẽn baood-b yãmb ye, Soaala!

¹²Bɩ d pʋd yɩɩlle n pẽg sẽn dɩt-a naam Siõ, d kils b tʋʋm bãna bu-zẽmba tẽnsẽ!

¹³Sẽn daag-a zɩɩm la Wẽnd pʋgda la bãng-y tɩ b pʋtẽer wogma, b sẽn mi, b kõn nams n soke: «Ãnda la b kʋʋd t'a kelemd woto?»

¹⁴Zoe-y m nimbãanega, Soaala, ges-y m bɛɛba sẽn paoogd maam to-to; yãmb sẽn tõe n zãag-m ne kũuma,

¹⁵zãag-y-m tɩ m paam n pẽg y yʋʋr, Siõ tẽn-sõng pʋgẽ la m kɩdem m sẽn paam y fãagra sũ-noogo.

¹⁶B sẽn zulg bok ningã, be la bɛɛba sig yã. Bẽdg ning b sẽn da maneg n solgã, n paam n kolemd b nao.

¹⁷Soaala bʋ-la b bʋʋdo n wilg yɛla sẽn yɛsẽ; la yaa nin-wẽngã n lʋɩ a meng bẽdgẽ.

¹⁸Bɩ bʋg-tẽng leb n deeg a soolem, sẽn yĩm-b Soaala fãa leb zĩ-kãnga.

¹⁹Bada, Wẽnd kõn yĩm a-ka-neng soab yell ye, nimbãan-dãmba saagr kõn pa n ka pids ye.

²⁰Aya, m Soaala, bɩ ninsaal da maan daood ye! Yals-y bu-zẽmbã y taoore, y bʋʋda zĩigẽ.

²¹Wilg-y-ba y pãnga n yɛɛs-ba; wilg-y-b tɩ b pãnga teka ninsaal pãngẽ.