Read SEBR SÕNGO, 1998 Yɩɩla 91 Bible Online

Yɩɩla 91 - SEBR SÕNGO, 1998 bible

Yɩɩla 91

¹Ned ninga sẽn paam n be roog ningã Yĩngr Wẽndã sẽn solg b mengã, yẽ soab gãee Wẽnd-Pãng-Soaba maasmẽ,

²yẽ soab gomda ne Soaala woto: «Yãmb la m soondg zĩiga, m tãnsoben-doogo, yãmb la m Wẽnde, yãmb la m teeg yã.»

³Yaa Soaala n na n fãag-f bẽdgẽ. Bãmb n na n fãag-f ne bãag sẽn wat ne tẽn-kũum.

⁴B na n kogl-f lame, b na n yɩɩ f soondg zĩiga. F na n soonda bãmba wa no-bi, b ma pɩgsẽ. F sẽn tar Wẽnd nonglma yaa gãong la f zãada, yaa kut fuug la f yeelg yã.

⁵F ka na n zoe yʋng yɛɛsg ye, f ka na n zoe pĩim sẽn tãood wĩntoog ye,

⁶bɩ tẽn-kũum sẽn gilgd rot yʋngo, bɩ bã-longdem sẽn tũud wĩnto-sʋgs ye.

⁷Ba neb tusr lʋɩt f sɛɛgẽ, tɩ tus-piig lʋɩt f rɩtgo, bũmb kõn maan-f ye.

⁸Ypk f nin bala tɩ f na yãend Wẽnd sẽn sɩbgd sẽn ka kẽed-b bãmba.

⁹N-ye, yaa Soaala la f tɩ soonde! La sɩda yĩngr Wẽnda sɛɛgẽ la f tʋɩ f gãaga.

¹⁰Bũmb kõn maan-f ye, bũmb kõn lɩk f roogẽ ye.

¹¹ [105†] B malɛgsa la b na n kõ noore, tɩ b gũ f nao kẽndre.

¹² [106†] B na n kok-f-la b nusẽ tɩ f naoor da sɩɩs kugr ye.

¹³ [107†] F na n taba bõnyẽeg la põeere, n tag ãbga la wag-bãnde.

¹⁴Wẽnd leokd a la woto: «A sẽn teeg maama yĩnga, m na fãag-a, m na kogl-a t'a mi-la m yʋʋre.

¹⁵A sã n bool-ma, m na leoke, m na zĩnd ne-a, a yɩɩra pʋgẽ, m na fãag-a la m na kõ-a pẽgre.

¹⁶M na pids-a ne raare la yʋʋma, m fãagra sõor na puk a yĩnga.»