Read SEBR SÕNGO, 1998 Yɩɩla 95 Bible Online

Yɩɩla 95 - SEBR SÕNGO, 1998 bible

Yɩɩla 95

¹Wa-y tɩ d kaas sũ-noog Soaala yĩnga, d kils pĩiga sẽn fãagd tõndã.

²D kẽng b taoor ne bark pʋʋsgo, d bao yɩɩl n zodg noogo.

³Soaala la Wẽnd kãsengã, bãmb la dĩm kãsenga, wẽn-naandsa sura b taoore.

⁴Tẽnga ne sẽn sud a pʋgẽ yaa bãmb n so, n le so tãmsa ne sẽn zao-b a zug tẽnsʋka.

⁵B soo mogrã, bãmb n naan-a, tẽn-peelma gilli b nusã n sa n yɛdg-a.

⁶Kẽ-y! D ta n sulgi, d ta n wõgemd b taoore, d kɩ rũmd b taoor tɩ bãmb n yiis tõnd moogo.

⁷ [110†] Bãmb la tõnd Wẽnde, d buuda yaa bãmb bãgre, bãgra rũms b sẽn gũuda la tõndo. Dũnna bɩ y kegl b koɛɛga.

⁸ [111†] Da kidb-y y sũur wa zabra raar ye, wa fɛɛsga raare, we-raoogẽ wã ye.

⁹ [112†] Beenẽ y barãmb zaba ne-ma la b fɛɛs-m lame, ne b nina sẽn da ne m tʋʋma.

¹⁰B yika m sũuri, yʋʋm pis-naas pʋgẽ. Dẽ me la m yeel yã: «Buud kãnga yam menemame, a ka mi m sẽn tũud soy niyns ye.»

¹¹ [113†] La mam me sũura puugame tɩ m wẽene: «Ayo! B kõn kẽ m vʋʋsga zĩigẽ ye!»