Read SEBR SÕNGO, 1998 Yɩɩla 97 Bible Online

Yɩɩla 97 - SEBR SÕNGO, 1998 bible

Yɩɩla 97

¹Soaala yaa Dĩma, bɩ tẽnga kɩdem sũ-noogo bɩ kooma noorẽ dãmb maan kibsa!

²Lik la sawadgo n gũbg Soaalã, b tʋɩ zemsgo la sõmblem n zaoolg b naama goeele.

³Bugum n kẽnd b taoore, n dɩt bɛɛba n gilgdẽ.

⁴Sa-yãgba vẽenem vẽnega dũniã la tẽnga yãendame n yɛɛse.

⁵Tãmsa yẽnega wa siribdu, Soaala taoore, dũni wã Soaala taoore.

⁶Yĩngr dãmb moona b zemsgo la tẽng zug rãmba yãenda b ziiri.

⁷Bɩ sẽn waoogd-b wẽn-faadã, bɩ b fãa zuta wuk ne yãnde! Wõgemd-y Soaala taoore, wẽn-faado, y fãa gill wõgemd!

⁸Siõ rãmb sẽn paam vẽnegre, b kaasa sũ-noogo, Zɩɩda tẽnsa fãa langda sũ-noogo tɩ Soaala yalsa yɛlã b zĩigẽ.

⁹Sɩd yaa yãmb la Soaala, yãmb n zao yĩngr-yĩngr, n zʋʋg wẽn-faada fãa gilli.

¹⁰Yãmb fãa sẽn nong-b Soaala, kisg-y wẽnga! B gũuda sẽn kẽed-b bãmba vɩɩm, b fãagd-b-la nin-wẽnsa nusẽ.

¹¹Vẽenem n yãgd sẽn tũud-ba yĩnga, sũ-tɩrs rãmb pida ne sũ-noogo.

¹²Yãmba, tũudba, noog-y y sũur Soaala yĩnga, pẽg-y Wẽnde n tẽegd tɩ b yaa sõngo.