Read SEBR SÕNGO, 1998 Yɩɩla 99 Bible Online

Yɩɩla 99 - SEBR SÕNGO, 1998 bible

Yɩɩla 99

¹ [115†] Yɩɩlle! Soaala yaa dĩma, bɩ zãma wã sɩng rigbu! B zaoo al yĩngr-yĩngri, bɩ tẽnga dĩmi!

²Wẽnd n so naam Siõ, bãmb n so dũni wã.

³Bɩ dũni wã gill pẽg b yʋʋre, yʋʋr sẽn ya sõng la sẽn kẽesd dabeem.

⁴Dĩm pãnga ya a nong zemsgo, yãmb n wilg bũmb ning fãa sẽn toge, Yaa yãmb n wilg a Zakoob buudã sẽn zems la sẽn segde.

⁵Kils-y Soaala tõnd Wẽnnaam la y wõgemd b taoor tɩ b yaa sõngo.

⁶Maan-kʋʋdba a Moyiiz ne a Aarõ la b sɛɛg yõkda, a Samwɛl, da boonda Soaala la b ra leokd-b lame.

⁷ [116†] B ra gomda ne-ba sawad-taoka pʋga. Ad-y b reega b zãmsgo, b reega b noyã.

⁸D Soaala-Wẽnde, yãmb meng y toore n da leokde. Y yɩɩ Wẽnd sẽn bʋk b sũur ne bãmba la sẽn da rokd b sũur ne b bɛɛbã.

⁹Kils-y Soaala tõnd Wẽndã! Wõgemd-y n tees b tãn-sõngã, tɩ Wẽnnaam tõnd Soaala yaa sõngo!