Read SEBR SÕNGO, 1998 Yelbũna 11 Bible Online

Yelbũna 11 - SEBR SÕNGO, 1998 bible

Yelbũna 11

¹Naaba-Wẽnd sẽn kis wa fãa-fãa yaa zãmb magbo. B sẽn nong yaa pʋ-peelem magbo.

²Ned sã n tãoosd daoodo, a yãnd pa zɛɛd ye, sẽn sulgd-b mense, bãmb dãmb n taar yam sõngo.

³Nin-sõma kẽnda b pʋ-peelem zugu, tɩ nin-wẽns zãmbo wãad-b zãng-zãnga.

⁴Naaba-Wẽnd sũ-fõora raare, arzɛk lebgda bõne, la sõmblem na n waame tɩ kũum zãage.

⁵Nin-sõng sor yaa saalga, la nin-wẽng paada a wẽnema bẽdgẽ.

⁶Nin-tɩrs fãagre la b pʋ-peelem, nin-wẽns wãabo la b tʋls yoodã.

⁷Nin-wẽng tẽeb yaalsã yaa kũum n loogd ne-ba, la b tẽeb faadã na n paa koeese.

⁸Nin-sõng ka mi yɩɩr ye, nin-wẽng n gãe ne yɩɩre.

⁹Nin-yoogo wãad a to ne a zelemde, nin-sõng bãngre yĩnga a yiisda a meng yellẽ.

¹⁰Nin-sõng sũur noomame, tɩ tẽnga fãa naag n kɩdemnẽ, nin-wẽng yell sãamdame, tɩ tẽnga fãa kaasd sũ-noogo.

¹¹Nin-sõma maasem yĩnga la tẽng meta, la nin-wẽns zelemde n wãad-a.

¹²Yam kaoolg soaba n pursd a taaba, yam soab sẽn mi la sĩndgu bala.

¹³Sẽn gomd-a wʋsgo lukda a taab bãongo, yam sõng soaba solgda yɛla.

¹⁴Buud sẽn be n ka tar naaba ka yẽegd ye; sagendb lagem koabga tɩ yõod kẽ tẽnga.

¹⁵Sẽn yet-a t'a na n yao a taab sama, bõnda a menga, sẽn dat-a laafi ka lʋɩɩsd a toog samd a woto yaoobẽ ye.

¹⁶Pag sẽn tar neerem paamda waoogre, la rao sẽn modgd a menga paamda arzɛka.

¹⁷Bũmb sẽn manegd nin-noanga yaa a nonglma. Sẽn ya-a nin-toaaga lɛɛg n sɩbgda a menga.

¹⁸Nin-wẽng tõe n paama bũmbu la a ka mi a na rɩ a yõod ye, sẽn tũud-a zemsgo paamda a rolbo.

¹⁹Sẽn yet-a t'a baooda sõmblem dɩkda vɩɩm sore, tɩ sẽn baood-a wẽng dɩkd kũum sore.

²⁰Wẽnd sẽn kis wa fãa-fãa yaa ninsaan-kazukma. Wẽnd sẽn nonge la ned ninga sẽn tara a meng neere.

²¹Nin-wẽng pa tõe n pa reeg a sɩbgre ye, nin-sõma buudu na n tɩlgame.

²²F sã n dɩk bũmb sẽn dõog ne sãnem n sog kurkur yõore, f maana wa paga sẽn tar neerem, n yaool n ka mi sẽn toge la sẽn segd ye.

²³Nin-sõng yam sẽn date, yaa vɩɩma tũ neere. Nin-wẽng sẽn kãabd a meng neera wat n teka Wẽnd sɩbgre.

²⁴A kõ n da kees paoong fɩɩdame, la a tigsd-n-bĩngdẽ naong sɩlgdame.

²⁵Sẽn ya-a kõata, b na n kõo yẽ soaba, la sẽn kõt-a koom me na paam n yũ n tɩge.

²⁶Sẽn daad-a kood zãng n basd a taaba ka tar zoa ye. Neba sẽn nonge la sẽn sakd-a a teed koosgo.

²⁷Sẽn baood-a neere baooda Wẽnd sõm, sẽn dat-a wẽnga, wẽng n dɩt a.

²⁸Sẽn teeg-a arzɛka, arzɛk n wãad-a. Nin-sõng wẽnda tɩɩg sẽn tobd vãado.

²⁹Fo zak sã n ya zũna, fo yaooga sobgo, f sã n ya yalma fo lebga yam soab yamba.

³⁰Nin-sõng pʋɩɩr la vɩɩm tɩɩga, yam vẽenem soab paamda neba pẽgre.

³¹ [15†] Nin-sõng sã n paam dolb tẽng zug ka menga, nin-wẽng me kõn kong a sɩbgr ye.