Read SEBR SÕNGO, 1998 Yelbũna 25 Bible Online

Yelbũna 25 - SEBR SÕNGO, 1998 bible

Yelbũna 25

¹Woto le yaa a Salomo yelbũna, la Zɩɩda dĩma a Ezekiyas n kɩt tɩ b gʋls-ba.

²Bũmb ning sẽn wat ne Wẽnd pẽgrã yaa b sẽn solg n tʋmd b tʋʋma. Bũmb sẽn wat ne rĩm pẽgre, ya a sã n tags neere n yaool n tʋme.

³Bũmb bãngr sẽn ya toogo yaa yĩngr zãrem, yaa tẽnga sẽn sud n ta zĩig ninga, la bũmb ning sẽn be rĩm sũurẽ.

⁴Yõak yiis wanzurf rẽgdo a na yõg laok neere,

⁵dĩm yiis nin-wẽng a taoore, a zaoor na lebg zemsg zaoore.

⁶Dĩm taoore da maan wa f yaa nin-kãseng ye, da rɩk nin-bɛdã n maan f sõsd-n-taas ye,

⁷ [28†] b sẽn na n yeel foom: dʋ ka, são b sẽn na n sik foom dĩm biig taoore.

⁸Da yãg ne toagseg bʋʋd zĩigẽ ye, f tũud-n-taaga sã n kʋɩdg-fo, fo maanda a wãna?

⁹Bʋ ne f bʋʋd-n-taaga la ra luk ned a to bãong ye.

¹⁰Ka rẽ a wat n tʋ-f lame, a sã n wʋme, la f kõn le tõog n lebs f zelemd ye.

¹¹Gomd sẽn yiis tɩ neb fãa zut gõmsdẽ, wẽnda tɩɩg biis sẽn dõog ne sãnem la wanzurfu: yaa laogo.

¹²Fo sã n sagl ned t'a reege, yaa sãnem tʋb-longo la muizãan miidu la f pid a kokore, bɩ bõn-neer a to la f yõg n kõ-a.

¹³Wala saag sẽn maagd pemsem tigsgu wakato, sẽn taasd-a koe noogo me yaa boto. Sẽn tʋm-a yẽnda wã sũur na n bʋkame.

¹⁴Sẽn pʋlemd-a wʋsgo n yaool n ka kõt fɩ, wẽnda sawato la sobgo sẽn be, tɩ saag yaool n ka niid ye.

¹⁵Yam ne yam tɩ b tudg la b lub bʋ-kaooda, zelemd bʋgsgo tara yẽn pãnga n wegsd kõaba.

¹⁶F sã n yãe sɩɩdo bɩ f rɩ n tɩge, gũus n da rɩ tɩ looge, ka rẽ f na wʋbe.

¹⁷Da lɩkd naoor wʋsgo f zoa zakẽ ye, a wat n yɛɛ ne foom tɩ lebg mo-beedo.

¹⁸Sẽn maand-a kaset zirẽ, wẽnda guugu, sʋʋga, la pĩ-sɩlenga.

¹⁹Yell sã n pak-fo, tɩ zãmb soaba lebg f teegda, fo n bao f yẽn-feedo, la f kar-keoko.

²⁰Kɩt tɩ b yeeg fu taoko waood wakato wẽnda zẽem sẽn paas miisem. Yɩɩl yɩɩl sũ-beed soab taoore, me wẽnda rẽnna zãnga.

²¹Kom sã n tar f bɛyã, kõ-a t'a rɩ, ko-yũud sã n tar-a bɩ f kõ-a t'a yũ.

²² [29†] Woto wã f woogda a waoodo, la Naaba-Wẽnd na role.

²³Nug goabg sobgo wata ne saaga, neng gãneng wata ne gom n tudg f to.

²⁴F sẽn na n pa zãnnẽ são f sẽn na n be roog a ye ne pʋg-gãeenga.

²⁵Kibar noogo sẽn yi al mooga satmẽ n wa wẽnda ko-maasga ne kokore sẽn kʋɩ zãnga.

²⁶Nin-sõng sẽn lʋɩ yel-wẽnd pʋgẽ, nin-wẽng nifẽ wẽnda bãk sẽn bendge, ko-sõng sẽn dẽgme.

²⁷Ka tog tɩ b rɩ sɩɩd tɩ loog ye. Bũmb sẽn wẽnd f tõe n baoome tɩ looge, ya yell sẽn tog ne bãngra bãngre.

²⁸Tẽng sẽn wã n ka tar lal-gũbri wẽnda ninsaal yam sẽn tagsd a sẽn date.