Read SEBR SÕNGO, 1998 Yelbũna 26 Bible Online

Yelbũna 26 - SEBR SÕNGO, 1998 bible

Yelbũna 26

¹Yalem pa tog ne waoogr ye, wala waood sẽn pa tog sɩpaolgo, tɩ saag pa tog tigsg wakato.

²Wala luiil sẽn yɩgd a yɩgbo, tɩ sɩlaall kõosd a kõosgo, woto me kãab vɩɩd ka tũud ye.

³ [30†] Weefo la sãbsega, bõang la wĩiri, yam-pa-sek po-raoogo la gʋlgo.

⁴Da leok yam kaoolg soab wala a yam kaalma sẽn data ye, ka rẽ f meng wat n wẽneg-a lame.

⁵Leok yam kaoolg soaba, wala a yam kaoolga sẽn tog ne t'a ra wa tẽ t'a tara yam vẽenem ye.

⁶F sã n tʋm yalma; ko-tɩɩseng la f yũuda, Tõe t'a wa ne yel-beedo sẽn na n wẽneg n dɩ-fo.

⁷Wala wabg karg sẽn keoosde, woto me yelbũndi keoosda yalem noorẽ.

⁸Sã n ka gãeenga, loaabg kugr ka sẽbd ne loaabga meng ye, la sã n ka gãeenga, ned ka pẽgd yalem ye.

⁹Yelbũnd sẽn be yalem noorẽ wẽnda rã-yũud sẽn zãad gõaag a nugẽ.

¹⁰Naab bõnda a soolma gilli a sã n dɩkd a tʋʋmnẽ yalem ning fãa a sẽn paame.

¹¹Yalem lebda a yalem tʋʋmẽ, wala baag sẽn lebda a wʋbdẽ.

¹²Teeg yalma n yɩɩd ned ning sẽn ya yam soab a meng nifẽ.

¹³Kʋɩɩm daolg yetame: bõnyẽeg n be sorẽ wã, bõnyẽeg n be tẽnga pʋga.

¹⁴Wala kʋɩleng sẽn yɛs woto zĩ yɛnga n bilgdẽ, woto me la kʋɩɩm maanda, a gãagẽ.

¹⁵Kʋɩɩm daolg nus tʋmda laagẽ, la zẽk n wa noorẽ wã namsd-a lame.

¹⁶Kʋɩɩm daolg tẽeda a yamẽ t'a mii yam n yɩɩd neb a yopoe sẽn ya mitb kʋda.

¹⁷Ned sẽn yɩgd n kẽed zabr sẽn pa a zabre wẽnda ned sẽn dat baaga n yõke, n gãt a tʋba.

¹⁸Wala ned sẽn maand gãeemdo n tãood pɛ-zẽnem, pɛɛm sẽn tõe n kʋ,

¹⁹woto la f maanda, f sã n tudg f to n lɛɛg n zĩ tẽngre n maandẽ: «M deemdame!»

²⁰Raad sã n kaẽ, bugum kiidame, woto me la zabre sɛta, tẽn-kãn-ned sã n kaẽ.

²¹Zab-rʋʋs rʋʋsda zaba, wala saala, wala raoog sẽn paasd bugum pãnga.

²²Tẽn-kãn-ned goama wẽnda nem-võya sẽn sakd wãbre, sẽn noom yĩnga.

²³Tãnd laaga sẽn maneg n mobg ne wanzurf wẽnda zelemd sẽn ya noogo tɩ sũur yaool n kegmẽ.

²⁴Sẽn dɩt-a beem gomda gom noodo a noorẽ t'a sũur yaool n gãe ne zãmbo.

²⁵A goama sã n ya bʋg-bʋge bɩ f maan gũusgu tɩ zãmb sẽn be a sũurẽ wã ta-la a yopoe.

²⁶Sẽn dɩt-a beem modgd ne a beema solgre me, a na waa n puk neba fãa nifẽ.

²⁷Sẽn kɩbgd-a boko lɛɛgd n lʋɩ-la a pʋgẽ. Ned bilgda kugri tɩ kugrã lɛɛg n fẽdg-a.

²⁸Zelemd sẽn minim zirẽ, kisa a sẽn dõt b rãmba, zelemd sẽn minim gom-noodo n minim wãabo.