Read SEBR SÕNGO, 1998 Yelbũna 29 Bible Online

Yelbũna 29 - SEBR SÕNGO, 1998 bible

Yelbũna 29

¹Sã n sagend neda t'a nakd a kãare, a bãng t'a na wã vugri la tɩɩm kõn le zĩnd ye.

² [33†] Sã n ya nin-sõma n dɩt naam b soolem dãmb sũur yaa noogo. Sã n ya nin-wẽnse, b yãbdame.

³Sẽn pʋgd-a yam sõngo noogda a ba sũuri, sẽn pʋgd-a pʋg-yoaad sãamda a paoongo.

⁴Dĩm sa n tũud zemsgo a tẽng zĩi ne laafi; sẽn ka zãad-a a soolem dãmb ne zemsgo, wãad-b lame.

⁵Fo sã n belgd neda, bẽdgo la f gãnegd a naoẽ.

⁶N-ye, yel-wẽnd gãnegda bẽdg nin-wẽng yĩnga, la nin-sõng zoetame t'a sũur pa kiuusdẽ ye.

⁷Nin-sõng tẽegda naong rãmb yelle la nin-wẽng toog ka be ne-b ye.

⁸M toog-ka-be rãmba zũndgda tẽnga, la nin-sõma wã n sigsd sũuri.

⁹Yam soaba sã n bʋʋd ne yalma, a nong bɩ a gãnem a nenga, a nong bɩ a la, a kõn paam vʋʋsg ye.

¹⁰Sẽn nong-a zɩɩm daagre pa nong nin-sõng ye, la nin-sõma ket n baooda a zĩiga.

¹¹Yam kaoolg soaba basdame tɩ sũ-noog buud fãa yamleoog yõk-a; wakat buud fãa yam soab toẽ-la a menga.

¹²Naab sã n kelgd zirẽ-be-neda, a tãnsoaben-dãmba fãa lebgda bi-beese.

¹³Naong soaba la sẽn maand-a zãmbo, wẽnda taaba. Wẽnd kõo bãmb b yiiba fãa nina vẽenem.

¹⁴Dĩm sã n bʋʋd naong rãmba ne zemsgo, a naam zaoore vigla zamaana n dabd zamaana.

¹⁵Dasaare la saglgo wata ne yam sõngo; biig sẽn bas ne a meng bala lebgda a ma yãnde.

¹⁶Nin-wẽns sã n so kãsengo, yel-wẽna kɩɩda yẽgna, la nin-sõma nini na yãend b lʋɩɩse.

¹⁷Sɩbg f biiga n zãag f meng ne yɩɩr buud fãa la f paam sũ-noogo.

¹⁸Bãngd sã n ka tẽngẽ, ned kam maanda a sẽn date; la sẽn deegd-a noor la zu-noog soaba.

¹⁹Yamb zʋgo ka tekd ne goam bal ye: a tõe n wʋmame n yaool n ka reeg ye.

²⁰F yãee ned sẽn nong goama, ad yalem kelgre n são ne yõodo.

²¹Fo sã n põneg f yamba t'a paooda, a wat n yɩɩ kʋɩɩma.

²²Sũ-pu-ned wata ne zaba, tɩ sũur sẽn yiki maanda yel-wẽn n yɩlemdẽ.

²³Wilg-m-meng takda kʋɩdgre, sẽn sulg a meng paamdame t'a zug zẽke.

²⁴Sẽn naag-a wagdre n pʋɩt a teedo kisa a menga, t'a wʋmda b sẽn kãabd-a beedo, la a pa lukd a bãong ye.

²⁵Fo sã n digd rabeem neb taoore, fo yõka f meng n kõ. Fo sã n teeg Wẽnnaam f zĩi ne laafi.

²⁶Wʋsg ratame tɩ dĩma nif teeg-ba la Wẽnd bala n tõe n dol wala sẽn segde.

²⁷Nin-sõma sẽn kis wa fãa-fãa yaa nin-wẽnga. Nin-wẽns sẽn kis wa fãa-fãa yaa nin-sõngo.