Read SEBR SÕNGO, 1998 Yelbũna 5 Bible Online

Yelbũna 5 - SEBR SÕNGO, 1998 bible

Yelbũna 5

¹M biiga, deeg m sẽn zãmsd-f bũmb ninga, kelg m yama sẽn wilg-f bũmb ninga,

²n tõog n paam gũusgu, n tõog n lebg bãngda, n tõog tɩ f noor da yiis beed ye. Da kelg pʋg yoog ba bilfu.

³Sãan a woto tara gom noodo, a goama bʋgsem zem kaam.

⁴Mik a na n waa ne yell tɩɩsem sẽn yɩɩd kʋk tɩɩsem t'a yaa wa sʋʋga sẽn dɩt a noya a yiibu.

⁵A rɩka kũum sore, bʋg-tẽng sor la a tũuda.

⁶A kẽnd n zãagda ne vɩɩm sore, a pʋs n ka mi a sẽn dabdẽ la a ka bʋʋd ba bilfu.

⁷Kelg-m marsã, m biiga, da bas tɩ b zãag-fo ne mam goama kelgr ye.

⁸Sõng tɩ f sore da pẽneg pʋg yoog dẽnd ye, sõng n da pẽneg a dignoorẽ ye.

⁹Ka rẽ, f yʋʋr na sãam f taab nengẽ, tɩ f samd dɩt a ye wa kʋʋg f yʋʋma,

¹⁰tɩ f paoong na n wa lebg sãamb rẽnna, tɩ f rĩir tʋʋlg yõodo wa lebg sãan dẽnna,

¹¹tɩ kʋʋlem wa lʋɩ sʋka, tɩ f loogdẽ la f waasdẽ

¹²la f kelemdẽ: «M ba ye, ye! M ka bao yam vẽenem ye, m ka kelg a saglsa ye,

¹³m ka kelg m zu-soaben-dãmba goama ye, m ka kelg m karen-saamb-dãmb ye.»

¹⁴Yaa rẽ la m yɛs ne sũ-beedo m taab sʋka.

¹⁵Ade, yũ f meng bulg koom,

¹⁶da sak t'a yɩ neb fãa dẽnd ye.

¹⁷A yɩ fo koom, da saag n kõ-a sãan t'a yũ ye.

¹⁸F kooma yɩ bark koom f yĩnga. Da bao sũ-noogo pag a to nengẽ sã n ka sẽn kul-a foom f bi-bɩɩlem wẽnnẽ.

¹⁹A yɩ neere, f nifẽ wala walga, wala yĩsri, tɩ y sõsd ne taaba, n tɩgd taaba, n yãngd y nonglem ne taaba.

²⁰M biiga, yaa bõe la f bas tɩ sãan kẽes-f moogo, yaa bõe yĩnga la f na n mobge f sẽn ka mi a soaba?

²¹Wẽnd geta ninsaala, Wẽnd geta a sẽn tũud soy niynsi.

²²Nin-wẽng lʋɩta a meng bẽdgẽ, a yel-wẽna wĩiri n na n wẽneg n sãr-a.

²³Gũusga sẽn ka beẽ, yaa kũum la gãeemd sẽn galẽ, yaa meneng zĩiga.