Read SEBR SÕNGO, 1998 Kowelɛt 10 Bible Online

Kowelɛt 10 - SEBR SÕNGO, 1998 bible

Kowelɛt 10

¹Yalemd bilf sãamda yẽesem la yʋ-sõngo, wa zõos bilfu sẽn ki sẽn sãamd yũ-noog kaam.

²Yẽesem soaba togenda a meng so-sõngo la yalem gõod n tuumdame.

³Yalem kẽnd sor zugu me yam ka ye, la a maandame tɩ neb fãa mi t'a yaa yalma.

⁴Naab sã n yik mo-beed ne foom bɩ f da loog n bas f tuumd ye, tɩ maag-m-meng gɩdgda yel-wẽn wʋsgo.

⁵Tẽng soaal tõe n tudgame. La m sɩd nee sẽn ka zemse tẽng zug ka.

⁶Yaa yalem sẽn paam zẽkre ne naam la waoogre, tɩ arzɛk rãmba sur tẽng ne yãnde.

⁷Mam yãeta yem-daado tɩ b zombd wiidi n looda tɩ na-biis kẽnd ne nao wa yem-daado.

⁸ [17†] Sẽn tuud-a bulg loang n lʋɩt a pʋgẽ, sẽn lubd-a lalga, waaf tõe n kɛ-a lame,

⁹sẽn wʋkd-a kuga pogenda a menga tɩ sẽn kɛɛd, a raad me tõe n pogl a menga.

¹⁰Lar sã n kong saasgo n pa rɩtẽ, modgre n be tɩ b kɛ ne pãnga, la yẽesem yõodo yaa tɩ bũmb fãa sakda a soab nugẽ.

¹¹M mii saoolg waaf t'a são wã yõod la bʋgo, fo sã n bas tɩ waafa kɛ-fo?

¹²Yẽesem dãmb noor sẽn yet bũmb ninga nooma sũuri, la yalem zelemde wata ne a sãbsgo.

¹³A goama sɩngre yaa yalemdo tɩ b baasgo ya zu-kaoolg meng-menga.

¹⁴Yaa yalem n paasd goam ne goama. Ninsaal ka mi beoog yell ye, a maanda wãn n tõog n togs sẽn na n wa maan yẽ meng poorẽ?

¹⁵Yalem tʋʋmd kõt-a-la yaamse, a ka mi sor ning sẽn dɩkd n kẽ tẽnga pʋgẽ ye.

¹⁶Ad na pak yãmba, tẽnga rãmba, bi-bilfu sã n ya y dĩma tɩ kombɛɛmba sãt beoogo n tar dɩɩb bala.

¹⁷Zu-noog tẽnga la tẽng ning sẽn tar dĩm sẽn dog ne naam t'a kombɛɛmba dɩt wakat sẽn zemse bala. B baood n na n paasa b pãnga n yɩɩd b tɩgs b mens ne rãam.

¹⁸F nus a yi wã sã n zãms kʋɩɩm, f roog bɛɛda ne ra-põaasa. Nus sã n pa le nong tʋʋmde, roog yũnda koom.

¹⁹Nin-bɛda segenda rɩ-noogo n na n kiis b yɩɩre, la rãam kɩtdame tɩ vɩɩm yaa noogo, la ligdi sõngame tɩ f paamd f sẽn dat fãa.

²⁰Da wɩd dĩma f sũur pʋgẽ meng ye, da gom wẽng nin-kãseng poore ba ya nin-yend taoor ye. Tõe tɩ luiil deeg f gomdã n sa n togse.