Read SEBR SÕNGO, 1998 Kowelɛt 8 Bible Online

Kowelɛt 8 - SEBR SÕNGO, 1998 bible

Kowelɛt 8

¹Ned ka be n yet t'a tara yam vẽenem la a tara yell fãa buk ye. La bãng-y tɩ ned sã n tar yam vẽenem, a noor yõgemdame t'a nen-gãneng teeme.

²Mam yeta foom, reeg dĩma noore. Tẽeg f sẽn kãab bũmb ning Wẽnd taoore.

³Da yãg ne f lak n bas dĩma ye. Sã n mik t'a pa gomd n lebd fo sẽn datẽ bɩ f yõbge, bɩ f tar n leb poorẽ, tɩ yaa a sẽn data bal la a na n maane.

⁴Dĩma gomd n so taoore. Ned pa tõe n sok-a yaa bõe la a maand woto ye.

⁵Sẽn deegd-a noore tɩlgda ne yel-beedo, la yẽesem soab mi a sũurẽ tɩ bũmb fãa tara a wakato la Wẽnd leokr na n waame.

⁶N-ye! Bũmb fãa bee ne a wakato, la ne a bʋʋdo, tɩ ninsaal wẽnem labsa.

⁷Ned ka mi sẽn wat beoog ye. Ãnda n na n wilg yɛla sẽn na n yɩ to-to?

⁸Ned ba a ye ka tar pãng n na n paas a vɩɩm la a tadg a kũum daar ye. Zabr daar sã n ta, ka tõe n le tare n leb poorẽ ye; la bi-beelem pa fãagd bi-bɛɛg ye.

⁹M maaga m meng n ges bũmb ninga fãa sẽn maand tẽng zugu la m yãeeme tɩ zamaan kãnga, ned n so a to. La ade, ned sã n so a to zamaan kãnga, yaa pãng bal la a maand-a n menesd a sũ-noogo.

¹⁰Mam yãee b sẽn yãbd nin-wẽns kʋʋre; Zerizalɛɛm dãmb da yãet-b la wẽnd doogẽ ye, la Zerizalɛɛm dãmb wẽneg n yĩma b vɩɩm wẽngã. La rẽ me yaa bũmb sẽn ka tũ sore.

¹¹Vɩɩm wẽng bʋʋd sẽn pa kaoode t'a soaba wẽneg n deeg a sɩbgra yĩnga, wʋsgo ka zoet wẽng maaneg ye.

¹²[16†] Nin-wẽng yɛl kɛga tõe n taa koabga me, la a yõor tõe n kell n yɩɩ woko. M miime tɩ wusg gãdame: tɩ sẽn mi-b Wẽnd waoogr bala la b zoet b nifu, n na n paam sũ-noogo; b sẽn sulg b mens Wẽnd taoora yĩnga.

¹³Nin-wẽng yẽ kõn paam sũ-noogo, la a kõn paas a yõor woglem ye, a na n looga wala sulunsuku, a na n kii pẽbgo a sẽn pa zoet Wẽnda yĩnga.

¹⁴La bõe la d yãeta tẽng zugu? Nin-sõma beeme tɩ b zãad-b wa nin-wẽnse, la nin-wẽens me beeme tɩ b yɛla kẽnd wa b sẽn date tɩ paamd sẽn togẽ ne nin-sõngo. M yetame tɩ rẽ me yaa a ye ne wudg n bir sobgo.

¹⁵La mam yẽ pẽgda sũ-noogo tɩ ninsaal yĩnga, bũmb ka be saaga tẽngr sẽn ya sõmbo sã n ka rɩ la f yũ la f noog f sũuri. Dẽ n tog n yãag-a la sõng-a a tʋʋmnẽ, a vɩɩma zãng, tẽng zug ka.

¹⁶Mam modga m menga n bao yam vẽenem dãmba sẽn maand n paam yam vẽenem; m gesa ne gũusgu ninsaalba tʋʋm sẽn yaa a soab tẽng zugu. M yãendame tɩ ba d sã n tagsd wĩndg la yʋngo, n mong d nina gõeem,

¹⁷d ka tõe n bãng Wẽnd sẽn tʋmd to-to dũni wã pʋg ye. Ninsaalba tõe n namsame n bao la b kõn bãng fɩ. Neb niyns sẽn yet tɩ b paama yam vẽenema sã n gomd tɩ b miime, bãng-y tɩ b ket n ka tar a võor ye.