Read SEBR SÕNGO, 1998 Yɩɩn-noog menga 3 Bible Online

Yɩɩn-noog menga 3 - SEBR SÕNGO, 1998 bible

Yɩɩn-noog menga 3

¹Zĩig sobgame tɩ m kẽ m gãagẽ n bao m yam sẽn kẽe a soaba. M bao-a lame la m pa yãend-a ye.

²Tɩ m na n yik n gilg tẽnga tõre, tɩ m na n sa soya la so-tiisã n bao m yam sẽn kẽe a soabã. M bao-a lame la m pa yãend-a ye.

³Sẽn gũud-b tẽngã, sẽn gilgd-b tẽnga, m seg-b lame n sok-ba n gese b sã n ka yãend m noangã.

⁴M sẽn loog bãmbã, m wẽneg n yãenda m sũur sẽn nong a soabã, tɩ m gãd-a n yet tɩ m kõn bas-a ye, tɩ rẽnd m tall-a n kẽes m ma roogẽ, sẽn doga maama roogẽ.

⁵M tar y sɛɛga Zerizalɛɛm kom-pugli, zoe-y weooga walse la weooga yĩsã la y ra sɩɩs m noanga ye, la y ra nek-a ye. Bas-y m noanga t'a gũs a raab tɛka.

⁶Yaa ãnda n yit zĩ-pɛɛlẽ wã n watẽ, n nukd wa bug-zõose, n nukd wa sawadgo n nukd tɩdare la gondreyẽoog yũugu, t'a yũug ya tẽn-zẽng tɩɩs yũugu?

⁷Ad-y yaa a Salomo ne a sẽn zao pãndar ning zugã. Tãb-biis pisoobe n gũbg-a, tãb-biis sẽn tũus Israyɛl tãb-biis sʋka, sẽn mi sʋʋg zẽk n kɛ, sẽn kaoos zabrẽ.

⁸Ned kam fãa sʋʋg bela a sɛɛgẽ la rabeem ka tar-b yʋng ye.

⁹Dĩm a Salomo peesa Libã tɩɩs pãndare, n kẽ n sag a pʋgẽ. A sã n dɩg tẽnga, yaa ra-sĩdim zutu; zuga kugenda wanzurfu, sãnem zug la a zĩ, la maneg n tʋɩɩ ne peen-miidu, la Zerizalɛɛm kom-pugli wã n maneg pɛɛla ne nonglem.

¹⁰A sẽn dellda yaa sãnem la fãa maneg n tʋɩ peen neeba. Tẽnga kom-pugli n maneg a pʋgã, la b maneg-a-la ne nonglem.

¹¹Wa-y n ges-y yã, Siõ kom-pugli, wa-y n ges a Salomo sẽn fũgna a kãadem pugla la yaa a ma n wʋg n kõ-a, a sũ-nooga raar pugla.