Read SEBR SÕNGO, 1998 Yam vẽenem 1 Bible Online

Yam vẽenem 1 - SEBR SÕNGO, 1998 bible

Yam vẽenem 1

¹Dũni wã soaalba, bao-y zemsgo, bɩ y tagsgo yɩ tɩrga la bao-y Soaala-Wẽnd ne pʋ-peelem.

²Sẽn baood-b Wẽnd ne raab tɩrga Wẽnd likda b meng bãmb dãmba.

³Wẽnd zãagda b menga ne tags goaleng soaba; nin-wẽns sã n yik no-koeemd ne bãmba, Wẽnd kʋɩdgd-b lame.

⁴Wẽnd yam pa sigd nin-wẽng ye, a pa kẽed ned sẽn dẽgem ne yel-wẽnd ye.

⁵Wẽnd sẽn dat n kõ-d yam ninga tɩ d wɩsgã, yaa yam sõngo. Wẽnd zãagda b meng ne gãeemdo, b sã n yãe wẽnga, zabd-b lame.

⁶Wẽnd yam data ninsaalb ne neere, baasgo b na n sɩbga sẽn gomd-ba n wɩt b taaba. Wẽnd mi ninsaal sũur geelse, Wẽnd mi b sũur tagsgo, Wẽnd wʋmda b goama.

⁷Wẽnd dɩka b yama n fõgneg dũni zãnga, woto b tara bũmb fãa ne a võore.

⁸Ned ka gomd gom yood tɩ b pa wʋm ye, Wẽnd kõn bas a soaba, n pa sɩbg-a ye.

⁹B na n tũu gom-zɩtem fãa buka, b na n kelga goama buud fãa, n di d wẽnema kaseto.

¹⁰B maagda b menga n kelg fãa, ba waleng menga b wʋmdame.

¹¹Gũus-y ne gugl yaalse, gũus-y tɩ y zelemd da yiis beed ye. Gomd buud fãa sẽn yi ninsaal sũurẽ ka paad n ka wom a biis ye, la noor sẽn mi rõadga n wat ne kũum.

¹²Da bʋd-y moogo n bao y kũum ye, da tʋm-y tʋʋm wẽna n wã y meng zãng ye.

¹³Ka Wẽnd n wa ne kũum tẽng zug ye, ninsaal kũum ka noom Wẽnd ye.

¹⁴Wẽnd datame tɩ b sẽn naan fãa yalse, dogma sẽn dogda yaa rẽ yĩnga; ka rogma la zẽnem n kʋʋd ye. Bʋg-tẽng pa rɩt naam tẽng zug ye.

¹⁵Sẽn tũud-a sõmblem sor ka mi kũum ye.

¹⁶Sẽn kamsd-b kũum, sẽn kelemd-b n boond-a, yaa nin-wẽnse. Bãmb n yõgd zood ne-a, n pẽgd a tũud-n-taare; yõod sã n beẽ, ad b na pʋɩ taaba.