Read SEBR SÕNGO, 1998 Yam vẽenem 15 Bible Online

Yam vẽenem 15 - SEBR SÕNGO, 1998 bible

Yam vẽenem 15

¹Soaala, tõnd Wẽnnaam, yãmb yaa sõngo, yãmb ka mi belgre ye, yãmb pa yãgd ne sɩbgre ye, yãmb zãada bũmba fãa ne bʋgsem.

²Ba tõnd maan yel-wẽnde, d ka saagd n yi yãmb nugẽ, d paada y soolmẽ. Tõnd me kõn saag n maan wẽnga, d sẽn ya yãmb kamba yĩng ye.

³Yãmb bãngre la sõmblem sore, la bãng tɩ yãmb yaa pãng soaba la vɩɩm sẽn ka sɛɛb yẽgre.

⁴Ayo, ninsaal nug tʋʋm-wẽnã ka kẽes tõnd moog ye! Sẽn mi-b monema gʋlbã ka tõog n belg-d ne b yel-yaalsa ye!

⁵Nin-naandsa sã n gʋl n yɛsẽ, ad-y yaa yam-kaoolg rãmb pɛlg n yɩgda, tɩ b sũur ya noogo ne bũmb sẽn ka vɩ wẽnego.

⁶Sẽn maand-b nin-naandsã, nin-naandsã sẽn tat b rãmb yama, sẽn waoogd-b nin-naandsã, bãmb fãa yaa yel-wẽn-maandba, bãmb fãa teega wẽnga.

⁷Ges-y yagda, a tara tãnda nombo, n wa rɩk-a n yag laoko n kõ-do tɩ d tar n tʋmnẽ. Yaool n yaa tãnd a ye la a yãkda n yag teedã: kẽer tar n ningda bõn-sõma, kẽer tar n kokda rẽgdo, la rẽ bee ne yagda yamleoogo.

⁸Dẽ poore yagda sãamda a vɩʋʋgo, a kelld n bõoga tãnd kãnga n yag bõn faoog ning a sẽn na n bool tɩ wẽndã. Yaa waa a yĩmame t'a sẽn yi tãndẽ zaamẽ nanda, ka na n kaoos t'a kũuma raar ta ye, ka na n kaoos t'a leb tãnaok ninga b sẽn yiis-a, a rogma raar ye.

⁹Yagda ka bʋʋd a kũuma, a ka bʋʋd a sẽn ka na n põsa ye, a ka bʋʋd a yõ-koɛɛga ye, ayo, a bas n ningda pãnga wala sãnem la wanzurf yõgsã, wala sẽn yõgd-b zũudã, n na n dõog zirẽ-beedo.

¹⁰Yagda sũura yii tãndẽ, a pa saagd sẽn yɩɩd a meng ye tãnda yõod sẽn tekẽ la vɩɩma me tekda.

¹¹La rẽ yaa a sẽn ka mi a Naandã, a ka mi sẽn kõ-a yama, a ka mi sẽn fʋʋs-a a vɩɩm a yõ-bogdẽ ye.

¹²A mamsa vɩɩma wala reem bũmbu, n mams-a wala bels-taaba, n yet tɩ b tog n dɩɩ bũmb fãa yõodo; ba wẽng pʋga, yõod bee sẽn na lembe.

¹³N-ye! Yagda mii neere t'a beegame tɩ ya tãn-yɛng la a rɩk yã n yag lagdo sẽn wãade la a kell n yag wẽn-naande.

¹⁴Neb niyns sẽn kong-b yam n maan yãadre menga, yɩɩ bɛɛb niynsi sẽn kẽes b yãmb neba yembdo.

¹⁵Bãmb dãmba n sake n ges wa wẽnd dãmba, bu-zẽmba fãa bõn-naandse. B tara nin sẽn ki n pa neẽ ye; n tar yõ-bogdo, n yaool n ka tõe n vʋʋs ye, n tar tʋba n ka wʋmb gomd ye, n tar nus-bi n ka tõe n sɩɩs fɩ, n tar nao n ka tõe n kẽn ye.

¹⁶B yaa ninsaal tʋʋmde, sẽn naan-a bãmba me bõsa vɩɩm. Ninsaal ka tõe n naan wẽnd sẽn kolg yẽ meng ye.

¹⁷A meng sẽn ya kũum yem-daoogo, yaa bõn-kɩɩmse la a nus yooda maanda. A bark yɩɩda bõn-yood niyns a sẽn waoogdã. Yẽ vʋʋsda ne yõore, la a sẽn pees b rãmba kõn vʋʋs ne yõor abada.

¹⁸Bɛɛba ra tol n waoogda rũm-yoodo, rũms sẽn ka tol n tar yam ba bilfu.

¹⁹Rũm-bãmb gesgo da pʋsẽ n ka be yamleoogo, wa rũms a taab ye, yaa ra-wẽns gilli, Wẽnd mong-b-la neerem la bark zãnga.