Read SEBR SÕNGO, 1998 Sira biiga 10 Bible Online

Sira biiga 10 - SEBR SÕNGO, 1998 bible

Sira biiga 10

¹Tẽng naaba [1] Tẽng naab sẽn tar yam vẽenem zãmsda a neba; ned ninga sẽn tar yam vẽenem n tõe n ges a taab yelle.

²Tẽng naab sẽn ya-a a soaba, a neb me yaa boto. Tẽng naab sẽn ya-a a soaba, a soolem dãmb me wẽnd-a lame.

³Naab sẽn ka mi bũmbu sãamda a soolem dãmb yelle; tẽng manegre tũuda ne naab yam sẽn ya a soaba.

⁴Tẽng gũudem yẽ bee Soaala nugẽ; bãmb n wat ne tẽnga sẽn toge ne naab ninga.

⁵ [10†] Ninsaal tʋʋma bas neer bee ne Wẽnde, Wẽnd tʋʋma kilsgu, marsã, bee ne seb-gʋlsda, bãmb n kɩt t'a zãmsg wat ne Wẽnnaam pẽgre. Wilg-m-meng kisgu

⁶Da bao beem tugbu ne f to ye, a zãmb yĩng ye. Da maan bũmb ba a ye sũ-puur wakat ye.

⁷Wilg-m-meng ka tat Wẽnnaam yam ye, la neb me kis-a lame. Wẽnnaam neb kisa yɛl kɛga.

⁸Tũuda ne yɛl kɛga, ne pãnga, la ne ligdi tɩ nanams deesd b taab tẽnse.

⁹Bõe tɩ f maand wilg-m-menga n yaool n ya tom la tompɛglem bala? Põosg ka pid f yĩnga tɩ f nan ket n vɩ wɛɛ?

¹⁰Tɩɩm soab sã n bẽed bã-toogo sẽn bẽed-ba fãa naag n laad-a lame; sẽn dɩt-a naam dũnna wã n na n wẽneg n ki beoogo.

¹¹Ned sã n ki, a lebga zõos rɩɩbo, n lebg we-rũmsi la zũnzũi rɩɩbo.

¹²Wilg-m-meng sɩngda ne Soaala basgo, la f meng zãagre ne f Naanda.

¹³Wilg-m-meng yẽgre yaa yel-wẽnde, sẽn dɩk-a a meng n kɩs yel-wẽnde, a takda yel-beed a zugu, wa saag sẽn niid n pa yoogdẽ ye. Yaa rẽ yĩnga la Soaala sɩbgd yel-wẽn-maandbã n kɩt tɩ b leebd lɛbla.

¹⁴Soaala vika nanams bɛd goeelse n ledg sulg-m-meng rãmba b zĩigẽ.

¹⁵Soaala võoga wilg-m-meng rãmb wa tɩɩga n lebs sulg-m-meng rãmba b zĩigẽ.

¹⁶Soaala wãa tẽnse n ka kees bũmb ye.

¹⁷B mii n wã-b lame, n sãam-ba al tɩ b pa leb n gomd b yell ye.

¹⁸Wilg-m-meng ka maan dao yĩnga, wala sũ-pu-kãseng me sẽn ka tog ne paga. Neb sẽn tog ne pẽgre

¹⁹Buud bʋgo n tog ne pẽgre? Ninsaalb buudu! Buud bʋgo n tog ne pẽgre? Sẽn zoet-b Wẽnnaam buudu! Buud bʋgo n tog ne sãbsgo? Ninsaal buudu! Buud bʋgo n tog ne sãbsgo? Sẽn ka reegd-a Wẽnnaam noya buudu!

²⁰Naab paamda waoogre a neb sʋka, sẽn zoet-b Soaala akɩka, Wẽnd mi-b lame.

²²F yaa noaka, sãana bɩ naong soaba, bɩ f rabeema rigb Wẽnd taoora lebg f zu-zẽkre.

²³Ka segd tɩ b tʋʋs naong soab sẽn tar yam ye, wa sẽn ka segd tɩ b pẽg yel-wẽn-maand ye.

²⁴Dĩma, bʋ-kaooda, kombere toga ne waoogre, la ned n tog ne waoogre n yɩɩd bãmb fãa: yaa sẽn zoet-a Soaala nifu.

²⁵Sõgen sẽn tar yam vẽenem na n paamame tɩ burkim-bi yɩɩ a rakõapa, la f sã n tar yam vẽenem, f neeme tɩ koɛɛg ka n leokd rẽ poorẽ ye: dẽ yaa sẽn zems la sẽn toge. Waoor sẽn tog ne a soaba

²⁶Fo sã n maand f tʋʋmde, da naam wa foom f ye bala n tõe tʋʋmd a woto buud ye. Da bao pẽg-m-meng fo sã n kẽ naong ye.

²⁷Ned ninga sẽn tʋmda tɩ tɩgr beẽ, são ned ninga sẽn maanda wilg-m-menga n yaool n ka tar fɩ n na n dɩ ye.

²⁸M biiga, pẽg f meng zem-zem, wilg fo sẽn yaa a soab bala.

²⁹Sẽn maand-a wẽng bõnda a menga, ãnda n na n pẽg ned sẽn paoogd-a a menga?

³⁰B waoogda naong soaba a minim yĩnga, la arzɛk soaba a arzɛk yĩnga.

³¹Fo sẽn be naongẽ tɩ b waoogd foom woto, f sã n wa lebg arzɛk soaba, b na n waooga foom wãn wãna? Fo sẽn ya arzɛk soaba tɩ sãbsd foom woto, yitẽ la a wãna fo sã n yaẽ naong soaba?