Read SEBR SÕNGO, 1998 Sira biiga 11 Bible Online

Sira biiga 11 - SEBR SÕNGO, 1998 bible

Sira biiga 11

¹Naong soaba sã n tar yam vẽenem a tõe n dooga a zugu, a tara a zĩig nin-bɛda sʋka. Nif sẽn ne toore

²Da pẽg neda a ziir yĩng ye, la f da ges ned sẽn yaa a soaba, n kisg-a ye.

³Sĩif ya bilfu bõn yɩgdi sʋka, la a sẽn maand bũmb ninga noosem ka to ye.

⁴Ned sã n waoogd foom, bɩ f da maan wilg-m-meng ye, tɩ Soaala tʋʋm yaa sõma, la neb ka yãet-b ye.

⁵Naoor wʋsgo nanams bɛd paamda yãnde tɩ talg paam ziiri.

⁶Naoor wʋsgo pãn-dãmb paamda yãnd kãsenga, tɩ nin-bɛd lʋɩt neb a taab nugẽ. Deng n tagse

⁷Da yãg n sãbs bũmbu tɩ f ka maag f menga n ges n tɩg ye, deng n tags neere n yaool n wilg sẽn be f sũurẽ.

⁸ [11†] Kelg neere n yaool n leoke, ned sã n gomda, bɩ f maag f menga t'a gom n sɛ tɩ f yaool n wilg fo sẽn tagsd a soaba.

⁹Yell sã n pa ta-fo, da ning f toog be ye, la nin-yaals sã n wẽed nokoeemde ne taaba, da kẽ b sʋk ye. Wẽnd n sõngde

¹⁰M biiga, da bao bũmb wʋsg maaneg ye, fo sã n baood n na n maan tɩ yɩɩg f pãnga, fo ka na n tõog ye.

¹¹Neb kẽere beeme n namsd b mense, n yãgdẽ, tɩ b na n yaool n wa loog-ba.

¹²Koms rãmb beeme n bõsd sõngre, fɩ ka b nugẽ ye la b gala ne naongo. Soaala get-b lame ne nimbãan-zoeere, la b yiisd-b-la b naongẽ.

¹³B kõt-b-la ziiri tɩ neb wʋsg pɛleng yikdẽ.

¹⁴Neere, la wẽnga, vɩɩm la kũum, naongo la arzɛka, fãa yita Soaala nengẽ.

¹⁷Soaala kũuna ka paoogd nin-sõma ye, la b sõngr pʋgd-b-la daar fãa.

¹⁸Nina maanda gũusgu la kẽgsgo n wa paam n lebg arzɛk soaba, a sẽn nan ka mi yaa a rolb sẽn na n yɩ a soaba.

¹⁹A wat n yik n yeelame: «M paama wʋsgo, m paoongã seka m vɩɩm marsã.» Mik a ka na n bãng a sẽn na n kaoos to-to ye. A rat t'a pa rat me, a na n kiime n bas fãa tɩ neb a taab yõdg n sooge.

²⁰Nong f tʋʋma wʋsgo la f maan-b neer-neere, da maan-b yood-yood ye.

²¹Da ges yel-wẽn-maand tʋʋm ne yamleoog ye, teeg Wẽnnaam la f tʋm f tʋʋma bala. Soaala tõeeme tɩ ka tũ ne toog ye, n kɩt tɩ naong soab lebg arzɛk soab tao-tao bala.

²²Nin-sõng dolbo yaa Wẽnnaam barka, la Wẽnd bark ka kaoosd n wa ye.

²³Da yeele: «Mam tara bõe tʋʋmde? Dũnna tɛka bõe n na n yɩ mam paoongo?»

²⁴Da yeele: «Mam tara fãa tɩ seke, m zu-bʋk na n yii yɛ?»

²⁵Sũ-noog daare, fo ka leb n tagsd f sũ-sãang yell ye, la sũ-sãang daare fo yĩmda sũ-noog yelle.

²⁶Kũum daare, Soaala donda ned kam fãa tɩ tũ ne a manesem, rẽ ka toe ne Soaala ye.

²⁷Wakat a yembre namsgo kɩtdame tɩ fo yĩm yĩn-maasma fo sẽn da tarã, la fo kũuma sẽn yaa a soaba n pukd f vɩɩma yɛla.

²⁸Da yãg n gom t'a zagl yaa sũ-noog soaba t'a nan ket ne yõor ye. Yaa ned kũum poore la b bãngda. Gũusgu ne nin-wẽnga

²⁹Da bas tɩ neb kẽ f zakẽ yaare ye, tɩ nin-wẽng zãmb waooga.

³⁰Sẽn dat-a n lʋɩɩs a meng taoore, wẽnda koadenga b sẽn yõk n pag kapidgẽ t'a be be n boond a taaba, a sẽn gũud yaa fo me wa tɩ b yõk-fo.

³¹Zãmb soaba bẽdga bẽta woto: a kɩtdame tɩ sẽn ya neere wẽneg wẽnga, n kɩt tɩ sẽn ya yel-beed lebg bõn-sõngo.

³²Wa bug-pãrg sẽn ka zem bũmb n yõod weoogo yel-maand me solgda wẽnema, a lebgda wa ned sẽn ka tar yelle, la rẽ la a bẽdgã.

³³Gũus f meng ne nin-wẽnga, t'a segenda wẽng maanego, zoe rabeem t'a na n wa sãam f yʋʋr beoog yĩnga.

³⁴Kẽes sãan f zakẽ n gese, a na maane tɩ f zak rãmb get taab kegr-kegre, n yaool n wa loog ne f sẽn tar fãa.