Read SEBR SÕNGO, 1998 Sira biiga 14 Bible Online

Sira biiga 14 - SEBR SÕNGO, 1998 bible

Sira biiga 14

¹Nin-sõng sũ-noogo [1] Sũ-noog soab la sẽn pa tudg-a ne a noor goama, sẽn ka mi-a yɩɩre t'a ka maan yel-wẽnd ye.

²Sũ-noog soab la sẽn ka zabd-a ne a menga; sũ-noog soab la sẽn ne t'a yɛla fãa tũuda sore. Bõn-zoeere la beedo

³Arzɛk ka tog ne beed soab ye. Sũ-ki-ned kõn tɩg arzɛk bada, a sẽn datã, a ka get a sẽn tara wa bũmb ye.

⁴Sẽn sak-a a meng namsgo n baood arzɛk n bĩngdẽ, n yaool n pa sɩɩsd-a, yẽ soab bãng t'a tʋmda neb a taab yĩnga. Taabã n na n tũ rẽ n vɩɩnd vɩɩm noogo.

⁵Ned ning sẽn yaa toaaga ne a menga, a na n yɩɩ bʋgsg ne ãnna? A na n kõo ãnna? Ãnd n na n dɩ a paoonga yõodo?

⁶Bũmb ka be n ya wẽnga n yɩɩd ned sẽn zãad a meng toog ye. La a toolma n lebg a wẽnema rolbo.

⁷Zoe-bõn soab sã n maan neere yaa yĩdgu; tar n tarẽ, b wat n bãng a wẽnema.

⁸Zoe-bõn soaba gesgo tʋls-wẽng gesgo, sẽn ka tar yõodo; a pʋs n geta waa a ka ne ned ye, a gesga yaa sãbsg gesgo;

⁹a zɩ n yet tɩ b sẽn kõ yẽ wã wẽnda bũmb ye, a zoe-bõna kʋɩɩsda a sũura zãnga.

¹⁰Zoe-bõn soab bur ka kaoogd n pʋɩ ye, a pʋs n pa tar-a a meng rɩɩb roog ye. Dɩ vɩɩm yõodo

¹¹M biiga, fo sã n tarẽ, ges f meng yell neere, Sã n sege tɩ b kõ-f-la rɩɩbo, bɩ f rɩ sõma.

¹²Da yĩm tɩ kũum ka na n kaoos n wa ye, la b kõn wilg foom a daar ye.

¹³F vɩɩm wakato maan f zo-rãmb neere, la f Wẽnda sã n kõ foom, bɩ f yɩ kõata.

¹⁴Da bas rũnna sũ-noog tɩ loog ye, deeg sẽn ya f pʋɩɩre, n dɩlg f menga.

¹⁵Fo mit tɩ f paoongã wat n basa ne neb a taaba. La b na n poeesame n bãng ãnd n na n soog fo laogã.

¹⁶F kõt bɩ f reegda, pids f sũ-noogo. Ka kɩɩmkulgu la f toe le lemb sũ-noog ye.

¹⁷Ninsaal buud fãa kʋʋndame wala fuug sẽn kʋdgde. Dẽ yalsa daar fãa yĩnga. Kũuma yaa tɩlɛ, sẽn na n põsa kũum ka ye.

¹⁸Yaa wa tɩɩg ne a vãado: kẽer sʋʋgdame, tɩ kẽer tobdẽ. Ninsaalb me yaa boto, kẽer kiidame, tɩ kẽer dogdẽ,

¹⁹D sẽn maand fãa na n zẽka wa wubsgu, n looge. Tʋʋmda woo, tʋʋmda soab woo, fãa na n loogame. Yam vẽenem baoobo

²⁰Sũ-noog soab la sẽn baood-a yam vẽenem, sẽn ka maand-a bũmb t'a ka reng n tagse.

²¹A rengd n baoo yam vẽenem sorã sẽn yãet zĩig ning n dɩke.

²²A rɩkda sorã wa tãoos sẽn dɩkd we-rũms nao, soya sã n wa pɩʋʋmd taaba a maagd a menga n da wa tudg n dɩk sor a to ye.

²³Yam vẽenem soab lɩkda peemlɛɛgẽ, a lama rignoorẽ n kelgdẽ,

²⁴a wẽ-la a sik n yegl a roogo, a ti-la a roogã n dɩdg-a.

²⁵A ningda a roog n peneg-a, a bee a sũ-noog zĩigẽ.

²⁶A wẽnda luiil sẽn tʋɩ a tʋk tɩɩga wilẽ, n vɩ a vãada maasmẽ.

²⁷Maasmẽ wã, yam vẽenem soab ka leb n zoet tʋʋlg ye, la a zĩi yam vẽenema pʋga ne ziiri.