Read SEBR SÕNGO, 1998 Sira biiga 15 Bible Online

Sira biiga 15 - SEBR SÕNGO, 1998 bible

Sira biiga 15

¹Sẽn zoet-a Soaala dabeem ka vɩ yaar ye, sẽn tũud-a noora zãng n tar yam vẽenem.

²Yam vẽenema wat n seg-a lame wa biig ma sẽn segd a biiga, wa pʋg sɛd b sẽn nan kõ sɩda.

³A dɩlgd-a-la ne yam vẽenem buri n kõt-a ko-yɩlemde t'a yũuda, n kõt-a yam vẽenem ko-yɩlemde.

⁴Nin-sõng teega yam vẽenem tɩ rabeem kaẽ ye, a rɩka a meng n kɩs-a la a kõn paam yãnd ye.

⁵A kɩtdame t'a yɩɩg a tũud-n-taase, la kʋʋng sʋka a sõngd-a lame t'a gomd ne yam.

⁶A yãeta sũ-noog meng-menga la a yʋʋr na n yiime.

⁷Yam kɩdsa ra tẽ yam vẽenem paoong ye, la yel-wẽn-maandb ra tẽ tɩ b na soog-a abada.

⁸A zãagda a menga ne wilg-m-menga, la zirẽ-be-neba ka tẽr a yell ye.

⁹Pẽgr ka tog n yi yel-wẽn-maand noorẽ ye, tɩ Soaala ka kõ-a tõog kãng ye.

¹⁰Pẽgr pẽgda ne yam vẽenem, la yaa Soaala n togend ned, yam vẽenem sor zugu. Ninsaal burkĩndlem

¹¹ [12†] Fo sã n zãag ne so-sõngo da yeel tɩ yaa Soaala Wẽnd yell ye, Soaala kõn maan b meng sẽn kis bũmb ning ye.

¹²Da yeele: «Soaala meng n tudg maam.» Soaala ka tar nin-yaals tʋʋmd ye.

¹³Soaala kisa wẽng buud fãa, la sẽn zoet-b Soaala me kis-a lame.

¹⁴Sɩngrẽ bãmb n naan ninsaala, n bas-a ne a burkĩndlem.

¹⁵Fo sã n data f maanda Wẽnd sẽn date, dẽ bee ne foo zãnga.

¹⁶Fo taoore b rɩgla bugum la koom, tɩ f sã n data bɩ f tẽeg nug n yãke.

¹⁷Vɩɩm la kũum dɩga ninsaalb taoore, f paamda f sẽn yãk a soaba.

¹⁸Soaala yam zulmame, b pãng ka tɛk ye, la b nee fãa.

¹⁹B geta neb niyns sẽn zoet-b bãmba, b mii neba tʋʋma fãa sẽn yaa a soaba.

²⁰B ka kõ ned ba a ye sore t'a lebg tõat ye, la b ka kõ ned ba a ye sore t'a maan yel-wẽnd ye.