Read SEBR SÕNGO, 1998 Sira biiga 16 Bible Online

Sira biiga 16 - SEBR SÕNGO, 1998 bible

Sira biiga 16

¹Wẽnd tara bʋgsem, n tar toolem [1] Da tʋlg kamb wʋsg sẽn ka be võore, la f da noog f sũuri ne kom-bi-bees ye.

²Ba b sõor sẽn ya to-to fãa, b sã n ka zoet Wẽnde, da noog f sũur ne b ye.

³Da tẽ-b ne yõ-wok ye, da maan saagr ne bãmb ye, tɩ fo sã n tar biig a ye sẽn waoogd Soaala, são fo sẽn na n tar kom-yaals tusri. F sẽn na n ki n ka rog biig menga são fo sẽn na n tar kamb wʋsgo tɩ b yaool n ka pẽgd Wẽnde.

⁴ [13†] Nin-sõng a yembre sẽn ya yam soaba tõeeme tɩ tẽng pid ne neba, la sã n dɩk tẽngã n kõ nin-yoodo, tẽnga na n lebga vɩʋʋgo.

⁵Mam sẽn gom bũmb niyns yellã, mam nif yãee bũmb wʋsg sẽn ya boto, la mam tʋbr sẽn wʋm wẽnem yɩɩda rẽnna.

⁶Yel-wẽn-maandba sẽn lagem taaba sʋka Wẽnd sũ-puura bugum na n widgame, la yaa tõatb ka tɛka la a na n dɩ.

⁷Pĩnd nin-daado sẽn da yaa pãn-dãmba, waa n yik n zẽka b zug ne Wẽnde la Wẽnd ka kõ-b sugr ye.

⁸Wẽnd sɩbga tẽng ning a Lot sẽn da kẽedã, tɩ b da ka nong tẽnga rãmb wilg-m-meng ye.

⁹B ka zoe Kanaã rãmb nimbãaneg ye, tɩ b ra yaa nin-wẽns buudu, Wẽnd tʋlga b buuda wãab b yɛl kɛga yĩnga.

¹⁰B maana boto me ne neb tus kobs-yoobã sẽn da lagem taaba n na guglem ne bãmb we-raoogẽ.

¹¹Sã n ya nin-yend n zẽkẽ yã a zugu n ka reeg sɩbgre, yɩtẽ-la bõn-bãnde. Wẽnd tara bʋgsem la toolem, Wẽnd n so sugri la sɩbgre.

¹²B nimbãan-zoeera sẽn zem bũmb ninga, b toolma me taa boto. B geta ninsaal tʋʋma n kaood-a bʋʋdo.

¹³B ka basd nin-wẽng t'a loog ne a paoongo n ka tol n sɩbg-a ye. La ba kaoosda, sẽn pʋgd-b bãmba me kõn pa zaalem ye.

¹⁴Wẽnd kẽnda daar fãa ne sũ-bʋgsem, la ned kam fãa reegda a tʋʋm keoore. Dolba na n dolame

¹⁷Da yeele: «M na n soosame n solg m meng Wẽnde. Ãnd n na n tẽeg mam yell yĩngri? Neb kʋʋng sʋka b ka na n bãng maam n bak ye, mam yaa bõe bõn-naandsã ka teka sʋka?

¹⁸B sẽn get bũmb ning yelle yaa sa-lug-lugã, yaa mogra bog zulung kãseng la tẽnga, al tɩ fãa miimdẽ, Soaala sã n sigda.

¹⁹Ad-y b nifa sẽn karg n neẽ bala yaa tãmsa la tẽnga sẽn zaoolg bũmb ning zugã la rẽ me la b tar miuungu la rigbu.

²⁰Neba tog n ninga rẽ fãa b yamẽ b tog n tẽegame tɩ Wẽnd tʋʋma sõor labsa.

²¹Wala sobg sẽn yikd tɩ ned ka mi tiiri woto me d ka tõe n bãng b yɛla sẽn sigl to-to ye.

²²Ãnna n na n wilg bãmb m sẽn tʋm tɩ ya nerã? Ãnda n na n yaas n gũ b keoorã, raara sẽn yalsa ka ket n zãr bɩ?»

²³Tagsga woto n be yam kɩdsa rãmb zugẽ dẽ me la a bas n pʋgd a yʋng zãmsdo. SAK A YIIB SOABA: NAANDA YAM VẼENEM

²⁴M biiga kelg m goama la f bao bãngre, rɩk m goama n bĩng f sũurẽ.

²⁵M na n maaga m menga n zãms-fo, la m na wilg-f bãngre sẽn pid zĩig ninga.

²⁶Sɩngr wẽnnẽ, Wẽnnaam sẽn wa n naan bũmb fãa b kõo bũmb kam fãa a zĩiga.

²⁷B ninga yĩngr teedã b zĩisẽ, b yagl-b-la be n kõ-b noor daar fãa yĩnga. B ka mi yaamse la b zɩ n yãb kom ye. B zɩ n bas b tʋʋmde n ka tʋm-a ye.

²⁸Bũmb ba a ye zɩ n tus a to n lebs kɛɛng ye, bũmb ba a ye zɩ n tõdg Soaala noor ye.

²⁹Soaala sulgame n ges tẽnga, n pids-a ne b kũun sõma.

³⁰D pidsa tẽn-gãonga ne rũms buud toɛ-toɛyã la b fãa kũum daare b lebda tẽng tomẽ.