Read SEBR SÕNGO, 1998 Sira biiga 19 Bible Online

Sira biiga 19 - SEBR SÕNGO, 1998 bible

Sira biiga 19

¹Tʋʋm-tʋmd sẽn ya rã-yũuda ka tõe n lebg arzɛk soab ye. Sẽn ka rat-a n maan gũusg ne bũmb wʋsgo, dɩka a lʋɩɩs sore.

²Dãam n paas pagba n menesd yam; sẽn baood-a pʋg-yoaad zĩiga, ka le so a meng ye.

³A soab maanda wakre la yaa kũum la a baooda, Zũnzũi wã bal n na n wa rɩ b yõodo. Gom-toog yelle

⁴Sẽn yãgd-a n deeg gomde, n deeg tɩ sẽn togsa yaa sɩda, wilgdame t'a ka tagsd tɩ sek ye, sẽn maand-a woto bõnda a menga.

⁵Sẽn nong-a n kelg gom-beedo wat n zabda ne a menga.

⁶Sẽn saad-a n yelgd gom yaalse ka wilgd t'a tara yam ye.

⁷Da rɩk b sẽn togs foom bũmb ningã n tar n gomd ye. Boto yell kõn paam-f ye.

⁸Ya f zoa, bɩ ya f bɛyã, da togs bũmb b poorẽ, sã n ka modgre ne foom ye.

⁹Ned a to sã n bãng tɩ yii fo noorẽ a kõn le pelg a pʋg ne foom ye, la b wat n kisg-f lame.

¹⁰Fo wʋmame tɩ b gomd bũmb yelle, tall-a n loog yaoogẽ a kõn tɩ pusg n waag-f ye.

¹¹Yalma sã n wʋm gomde a ka tõe n zĩnd sɩɩ ye, a namsda wa pag sẽn kũmd dogem.

¹²Wʋm bũmbu n ka yi n togs namsda yalma wa pĩim sẽn sel gere. Zo-rãmb saglgo

¹³F sã n wʋm tɩ b gomd beed f zoa poorẽ kẽng n tɩ sok-a, daare a ka maan bũmb ye; a sã n maan bũmbu, a kõn leb n paas ye.

¹⁴Kẽng n tɩ yãe f yaka, b sã n wɩt-a, daar ninga a ka yeel tɩ bũmb ye, a sã n yeel bũmbu, a ka na n leb n paas ye.

¹⁵Kẽng n tɩ yãend f zoa, tɩ naoor wʋsgo neb rõta taaba; da tẽ b sẽn yet foom bũmb ning fãa ye.

¹⁶Ned tõe n yiisa gomd sẽn pa segde tɩ ka tũ ne raab wẽnga, tɩ ka tũ ne f sãoong raab ye. Ãnda n zɩ n gom n yõsge?

¹⁷Deng n tɩ yãe f yaka, da yãg n paalg-a bʋʋd ye, dẽ poore bas tɩ b-tũ Yĩngr-Soaba Noora sẽn date.

¹⁸[F sã n deeg tɩ Soaala n so-fo, bãmb me reegda foom neere. B nonga tõnd d sã n wilgd d yẽesem.]

¹⁹[Bãng Soaala noya, yaa vɩɩm sõng gʋʋlgo; F sã n tũud bãmb Noorã, yaa vɩɩm sẽn kõn sɛ tɩɩga biis la f tõsda.] Yam sõngo la yam wẽnga

²⁰Ad bũmb ning sẽn wilgd tɩ f tara yam vẽenem. Deeg tɩ Wẽnd so-f lame, la reeg b noya.

²¹[D mak wa rakõor sẽn yet a zu-soaba: «M kõn maan f sẽn yeela ye, la rẽ poore a maana b sẽn kos-a wã,» a zu-soab sũur na tõog n yɩ noog sɩda?]

²²Wẽng bãngre ka yam vẽen-ned tʋʋmd ye; reeg nin-yaals saglgo, dẽ me ka yam tʋʋmd ye.

²³Dabaar la neb tara la yaa dabaar wẽnga. Sẽn ka tar-a yam vẽenem la gãeenga.

²⁴Fo yam sã n paoodẽ, la f rigda rabeem Wẽnd taoore, dẽ n são fo sẽn na n tar yam wʋsgo n yaool n ka reegd Soaala noore.

²⁵Yam vẽenem buud n be sẽn ka sõmbe, kẽer tũuda zooda sẽn be sʋkã n paamd tɩ b zo-rãmb yols-b ne noora tũudem.

²⁶Nina maanda wa a sulga a meng n tũud noorã mik a sũura pida ne zãmb bala.

²⁷Wʋsg sura b zugu n kẽnda la b maan wa b yaa tʋb kɩda, fo sẽn wat n ka le tẽr b yellã la b tusd foom n lebs kɛɛnga.

²⁸Kẽer gɩdgda b mens ne wẽng maanego la yaa b sẽn pa le tar pãnga; b wat n wa bẽda bũmb n le kẽ wẽnga.

²⁹Fo na n gesa neda, n bãng a sẽn ya a soaba, f na n seg-a lame n bãng a sã n tara yam.

³⁰Ned fuugu, a laado, a kẽnde wilgda a sẽn ya a soaba.