Read SEBR SÕNGO, 1998 Sira biiga 22 Bible Online

Sira biiga 22 - SEBR SÕNGO, 1998 bible

Sira biiga 22

¹Kʋɩɩma [1] Kʋɩɩma wẽnda kugr sẽn bol bĩndu, neb fãa tʋbsda a zugu, a rẽgda yĩnga.

² [16†] Kʋɩɩma wẽnda tãmpʋʋre sẽn sɩɩs-a pekda a nugu. Kamb sẽn sãame

³Ba sã n dog bi-ribla t'a ka mi vɩɩm, yaa yãnd ne-yẽ; bi-pugl nengẽ wã n yɩɩda.

⁴Bi-pugl sõng paamda sɩda, la bi-pugl ninga sẽn ka be barka sãamda a ba wã sũuri.

⁵Bi-pugl ninga sẽn yaa yaare, ningda a ba ne a sɩd yãnde, bãmb b yiib fãa daagd-a lame n base.

⁶Saglg wakat sã n yõsg n sɛ tɩ fo ket n sagendẽ fo wẽnda ned sẽn sigind deem sũ-sãang daare. Bũmb ning wakat sẽn ka yõsgde yaa sãbse la wẽedo. Yalemd ka tɩɩm ye

⁹Fo sã n zãmsd yalma, wẽnda fo sẽn nogd sapeese, n na n lebs n bɛ b zĩigẽ, wẽnda ned sẽn gõe a gõeem tɛka, tɩ fo nekd-a.

¹⁰Fo sã sagend yalma, yaa wala fo sẽn gomd ne ned sẽn gũsi; a wat n soka foom: «Yaa bõe yell la f gomda?»

¹¹Yãb kũum: a ka leb n tar vẽenem ye; yãb yalma me: a ka tar yam ye. Yãb kũum zem-zem t'a paama vʋʋsgo, sã n ya yalma, a vɩɩm sũ-sãang n yɩɩd a kũum sũ-sãanga.

¹²Sã n ya kũum, kʋʋr kaoosda dasma a yopoe, sã n ya yalma la nin-wẽnga, bãmb dẽnd yaa vɩɩm tõre.

¹³Da gom ne gãeeng n kaoos ye, da rɩk yalma n maan f tũud-n-taag ye, maan gũus-m-meng ne-a, n da wa paam yell ye, zãag f meng ne-a, t'a ra wa rẽgem-f ye. F sã n dat laafi bɩ b zãag ne-a, a gom-yood kõn yaal-f ye.

¹⁴Bõe n bee n zɩs wa namdo? Bõn-kãng la bõe, sã n ka yalma?

¹⁵Bĩisri, yamsem, kutu, bãmb fãa yaa zɩɩbo la b zɩɩb yaa naana n yɩɩd yalma.

¹⁶Sã n bao raado n lagem b taab neere, n dɩk n ka roogo, sob-raoog sã n yik me, a ka maanda bũmb ye. Woto ned sẽn dat ne a sũur fãa n tʋm yẽesem tʋʋmde, bũmb kõn tõog n gɩdg-a ye.

¹⁷Fo sã n yals bũmbu, la fo reng n tagsame n yaool n sɩng a maanego, bũmba na n yalsame wa fo sẽn bol lalga ne boalg sẽn maneg n saase.

¹⁸Sã n wʋk kug bõonego n dɩgl lalg zugu, sobg tõe n tus-b lame n lubi; na n yɩɩ woto me ne yalma, a sũura tagsg yaa tags-yaalse. Rabeem sẽn kẽ-a wakat ning fãa, a lʋɩta tẽnga. Zoodo

¹⁹Sã n wẽ nifu, nintãm yitame; sã n wẽ sũuri, f pukda sẽn be a pʋgẽ.

²⁰Fo sã n dɩk kugri n lobg luiili, b yɩkdame, fo sã n wɩd f zoa, zood sãamdame.

²¹Fo sã n dɩk sʋʋg n tees f zoa, da bas saagr ye, zooda tõe n le manegame.

²²Fo sã n yaag f noor n gom f zoa da zoe rabeem ye: sugr ket n tõe n paamame; la f sã n tʋʋs-a, n paoog-a, n luk a bãongo, n zãmb-a zooda sɛɛme, a sẽn yaa soab fãa.

²³Pelg f pʋg ne f to sẽn kẽ naongẽ, t'a sã n wa tarẽ, bɩ f tõog n dɩ a yõodo; a namsg wakato, da bas-a ye, t'a sã n wa paam, bɩ a yãk n kõ-fo.

²⁴F sã n ne bug-walem bɩ bug-zõose, f mii bugum tiiri. Tʋʋra sẽn sãtẽ, zɩɩma ka na n kaoos n daag be ye.

²⁵Mam ka na n zoe yãnde ne m zoa sõngr ye; a sã n tar m sõngr tʋʋmde, m kõn zoe n bas-a ye.

²⁶Sã n tũ ne-yẽ tɩ yell paam maan, neba sã n bãnge, b na gũus b meng ne-a. Tõog-m-meng kosgo

²⁷Ãnd n na n sõng maam tɩ m tõog m noore, n dĩ m no-gãonga t'a ra le tõog n gome, n gɩdg m zelemd t'a ra wa sãam m yelle, t'a ra wa kẽes-m moogo?