Read SEBR SÕNGO, 1998 Sira biiga 25 Bible Online

Sira biiga 25 - SEBR SÕNGO, 1998 bible

Sira biiga 25

¹Yelbũna [1] Bũmb a tãab n be tɩ mam yam data, bũmb a tãabo n noogd Wẽnnaam sũuri, la neb sũuri: buud kamba sẽn wʋmd taab moore, zood sẽn be yagsa ne taab sʋka, dao ne a paga sẽn zemsd taaba.

²Neb buud a tãab n be n ka tat m yam tɩ mam sũur puud ne-ba: naong soab sẽn ya wilg-m-meng soaba. Arzɛk soab sẽn ya zirẽ-be-neda, nin-kẽem sẽn kong yam n ya ra-taaga. Nin-kẽemse

³Fo sã n ka pĩnd n tʋm f yãadmẽ n bao bũmb n bĩngi, fo sã n wa lebg nin-kẽema bõe la f na n paam n ning f nugẽ?

⁴Ad-y zoob peenda rãmb n tar bũmb fãa ne a yalẽ, bãmb n tõe n sagl sagl-sõngo!

⁵Yam vẽenem me toga ne nin-kẽembã wala leokr vẽenega sẽn tog ne nin-bɛdã.

⁶Bãngr kãsenga yaa nin-kẽem pẽgre. B sẽn zoet-b Soaala nifã n pidsd ne ziiri. Sũ-noog sɩda

⁷Bũmb a wɛ wat mam yamẽ la mam gesame tɩ b wata ne sũ-noogo, la noora paasa a ye tɩ ya piiga: Ned sẽn yãet sũ-noog a kambẽ, ned sẽn yãet a bɛɛb lʋɩɩse t'a ket n vɩ.

⁸Zu-noog soaba la ned ninga sẽn paam-a pʋg-yẽesenga. Zu-noog rãmb la pag ne raoa sẽn vɩ ne taaba tɩ pa wẽnd yaa naaf la bõanga la b rɩk n sog wãk a ye! Zu-noog soaba la sẽn tõe-a a zelemde. A pida ne zu-noogo, rakõor ninga sẽn tʋmda zakẽ, tɩ zaka-soab yam yaool n pa tol n dʋʋg kʋɩlga.

⁹Zu-noog soaba la ned ninga sẽn tara yẽesem, la sẽn paam t'a sẽn gomd ne b rãmba kelgd-a.

¹⁰Sẽn tar-a yam vẽenem yaa nin-kãsenga, la ned ka be n yɩɩd ned ninga sẽn zoeta Soaala n deegd b noora ye.

¹¹Wẽnd waoogr bãngre n so taoore, sẽn mi-a Soaala waoogr ka be taar ye. Pagb sẽn wat ne yɛla

¹³Sãmpogr ka be n wẽnd sũur sãmpogr ye! Wẽnem buud fãa, la ra yɩ pag wẽnem ye!

¹⁴Sũ-beed buud fãa, la ra yɩ kisgu sẽn wat ne a soaba ye, dok-m-sũur namsgo, la ra yɩ bɛ rok-m-sũur dẽnd ye.

¹⁵Lok ka be t'a wẽnem zem waaf dẽn ye, sũ-puur ka be n yɩɩd pag rẽnd ye.

¹⁶ [19†] Vɩɩnd zak a ye pʋg ne bõnyẽega, vɩɩnd ne wag-bãnde, são f sẽn na vɩɩnd ne pag sẽn tar wẽnem.

¹⁷Pag wẽnem tekd-a lame, a nenga sẽn gãnema, kɩtame t'a wẽnd gɩgemd-padre.

¹⁸A sɩda na n yẽgmame la a na n kong n tɩ rɩɩ ne a yagse.

¹⁹Wẽnem buud fãa são pag wẽnem, bɩ pʋg-kãng sɩbgr yɩ nin-wẽnsa rẽnna.

²⁰Ned sẽn zĩ sɩɩ t'a pag ya gom-to-neda, bãng-y tɩ b vɩɩma ne taab yaa toogo, wa nin-kẽem sẽn tũud sor sẽn dʋʋd bɩ sẽn gãneg bĩisri.

²¹Da bas tɩ pag neerem wa tõog-f ye, da sak t'a yamleoog kẽ-fo, a ligda yĩng ye.

²²Rao ninga a pag sẽn dɩlgde mi t'a na tɩg sũ-puuri, sãbsgo, la yãnde.

²³Paoogre, nen-gãnenga, sũ-beedo, dẽ fãa yaa pʋg-yoog tʋʋmde ne a sɩda. Sɩd ne nug-kɩɩnga, ne rũm sẽn saood wa dindibgu, dẽ me le yaa pʋg-yoogo tʋʋmde.

²⁴Yel-wẽnd sɩnga ne paga, la yaa yell kãng me yĩnga la tõnd fãa kiida.

²⁵Wala b sẽn ka basd ko-sor koom t'a zoet a yam, woto me b ka basd pʋg yoog t'a gom a yam ye.

²⁶A sẽn ka reeg f noore wakat ning fãa, bɩ f welg ne-a.