Read SEBR SÕNGO, 1998 Sira biiga 28 Bible Online

Sira biiga 28 - SEBR SÕNGO, 1998 bible

Sira biiga 28

¹Ned ninga sẽn dokda a sũur ne a taaba, Soaala me na n doka b sũur ne yẽnda, tʋʋm wẽng ba a ye kõn pa n ka reeg a sɩbgr ye.

² [22†] F to sã n kong-fo bɩ f kõ a surgi, woto, fo sã n wa pʋʋs n kos sugri, Soaala na yẽes f yel-wẽna.

³Fo sũur sã n puug ne f to, fo maanda wãn n kos Soaala tɩ b kõ-f sugri.

⁴Fo yɩta a wãn n pʋʋs Soaala tɩ b bas-f taale, tɩ fo yaool n ka zoet f tũud-n-taag nimbãanega.

⁵Fo sẽn ya ninsaal bala, fo sã n tugd beem, ãnda n na n yẽes fo meng yel-wẽna?

⁶Tẽeg f baasg sẽn na n yɩ a soaba la f bas kisgu, tẽeg f yel-wẽna, tẽeg f kũum yelle, la f yĩnga sẽn na n sãama yelle n f deeg Wẽnnaam noya.

⁷Tẽeg Wẽnnaam noya yelle, la f da bao beem tugbu ne f to ye, tẽeg Yĩngri-Soaba zood yelle; da le yaas n tẽeg f to sẽn maan f wẽng ne yĩdg ye. Zaba

⁸Zãag f meng ne zaba, woto f yel-wena na booge. Neb niyns sẽn bas b sũura t'a fudgdẽ wã bãmb dãmb n wat ne zaba.

⁹Yel-wẽn-maandba baood n na n kãna zo-rãmb ne taaba, neb sẽn be ne taaba, tɩ ya noogo la laafi, yẽ rat n welg-b-la ne taaba.

¹⁰Raada sã n zamd wʋsg bugma zugu, bugma me yãngda wʋsgo. Woto me zabra sã n kaoosd n ka be sugri, a lebgda toog liga, a rigda taoore. Ned sã n tar pãnga, a sũ-fõora yaa kãsenga. A sã n tar ligd la zãng-zãnga.

¹¹Nokoeemd tõe n yãnga bugma vugri, la sũ-puura tõe n waa ne zɩɩm daagre.

¹²Fo sã n fʋʋs bugum, a yãngdame, la fo sã n pʋʋs-a koom a kɩdame, la fo noora bala n tõe tʋʋm a yiibã. Zelemde

¹³Wẽnd na yãk b barka, neb niyns sẽn walemd-b goabg la rɩtgo, tɩ pa tũud to ye, n kãnd neb ne taaba!

¹⁴Zelem goalma sãama neb wʋsg yʋʋre, tɩ kẽer tol n zoe n zãag ne b tẽnga, b wãa tãnsoben-doto n sẽeg kombɛɛmba.

¹⁵Zelemd kɩtame tɩ neb rig b pʋg-sõma n yiisi, tɩ b rees b paoong fãa.

¹⁶Sẽn kelgd-a zelem goalma rãmba ka tõe n leb n paam vʋʋsg ye, a ka tõe n yãend laafi ye.

¹⁷Sã n dik kaas n pãb neda, a yĩnga bugdame, la f zelemda wãada ned zãnga.

¹⁸Sʋʋg kʋʋ neb wʋsgo la zelemde n kʋ n yɩɩda.

¹⁹Zu-noog rãmba la neb niyns sẽn põs-b zelemd toaag soaba n zãag b meng ne-a, t'a sũura sẽn kɛɛd wa bẽera ka waag-b ye. Zu-noog rãmba la a sẽn ka paam b rãmba n balg a wãka wa nag-koodse, bɩ n sẽb n lob bi-bees roogẽ.

²⁰Balgra balgda ne kutu, tɩ sẽbra sẽbd ne zũud yãndo.

²¹Zelemd wata ne kũ-toogo n wat ne yel-beedo, tɩ kũuma são vɩɩm.

²²Nin-sõma wã bal la b ka tõe n maan bũmbu. Zelem-toaag sẽn yiisd bugum ninga ka waagd nin-sõma wã ye.

²³Zelemd toaag soab sẽn bõnd neb niynsi, yaa sẽn basd-b Soaala, bãmb n na n lebg a ra-giisã sẽn yãngd bugma t'a pa kiid lɛ-lɛ. Bãmb la b na n wudg n bri wa bõnyẽega sẽn maande, n wudg n sog-b wa ãbga, n sɩ b yĩngã.

²⁴Wala fo sẽn baood gõose n bãg f pʋʋgo woto me bɩ f sog f noora ne kutu.

²⁵Wala fo sẽn gũusd f wanzurf la f sãnem, gũus neer-neere ne f zelemd sẽn yiisdi.

²⁶Gũus f menga tɩ f zelemd da kẽes-f yel-wẽndẽ la a ra lub-f f bɛ wã nugẽ ye.