Read SEBR SÕNGO, 1998 Sira biiga 30 Bible Online

Sira biiga 30 - SEBR SÕNGO, 1998 bible

Sira biiga 30

¹Kam wubri [1] [23†] Fo sã n nong f biiga, fo sɩbgd-a lame; kaoosg pʋgẽ, f sũur wat n nooma ne f biiga

²Sẽn gʋʋnd-a a biig neere, a sũur na n yɩɩ noog ne-a la a mitb sʋka, b na n pẽg-a lame.

³Ned ninga sẽn zãmsda a biiga, n gʋʋnd-a neere, kẽesda a bɛɛb zoe-bõne, la a sã n be ne a zo-rãmba a sũur yaa noogo.

⁴Biig ninga sẽn paama gʋʋlg sõngo, a ba sã n wa ki me, yaa wala a ketame, t'a basa biig sẽn wẽnd yẽnda.

⁵A sẽn waa n vɩ, a sã n da be ne-a, a sũur da yaa noogo, la kũuma wakato ba wã ka loogd ne sũ-sãang ye.

⁶A basa biiga sẽn na n tug beem ne a bɛɛba, la a yɩ yel-sõm-mita ne a zo-rãmba.

⁷Ned ninga sẽn põnegd a biiga, a wat n yeelame t'a bãngẽ. Wat n ka tõe n põneg n sɛ ye. Biiga sẽn kelem bala la a sẽn yɛɛsde.

⁸Weef sẽn ka paam nomb sõmbo zombg yaa toogo. Sã n bas biig t'a maan a yam, f ka wat n tõog-a ye.

⁹Fo sã n põneg f biiga, a na waa n tʋm fo sẽn pa rate. Fo sã n deem ne-a, a na waa n kɩt tɩ f kelem lolle.

¹⁰Fo sã n ka rat n kũm, bɩ f ra la ne-a ye, a wat n kẽes-f-la namsgo pʋge, tɩ f sũur yik ne-a.

¹¹Da bas t'a maan a yam a yʋʋma sã n ka loog ye.

¹²Wõra a sĩ t'a nan ket n paoodẽ, t'a ra wa yɩ tõat la zu-kugr ye.

¹³Gʋʋl f biig neere, tall-a sõma t'a ra wa tãoosd raood n paoog-f ye. Laafi

¹⁴Fo sã n ya naong soaba, tɩ laafi beẽ, são fo sẽn na n ya arzɛk soaba tɩ yaa bãas ne bãas bala.

¹⁵Laafi la keglem la m nonga n yɩɩd dũni wã sãnem fãa. Zʋg sẽn ya ned sẽn paam gʋʋlg zʋgo, são arzɛk sẽn ka tõe n geelg ye.

¹⁶Arzɛk ka be n tõe n mak ne laafi ye, la yĩn-maasem bala la sũur sẽn zãr ne yɩɩre.

¹⁷Kũum são vɩɩm sẽn ya sũ-beed ne sũ-beed bala. Ki n bas tẽng zug vɩɩma são vɩ ne bãas sẽn ka sɛte.

¹⁸Dɩ-nood ka tɛka sẽn tẽgen bãad sẽn ka le rat rɩɩbo wẽnda kũuni sẽn dɩkd n tees wẽn-naande.

¹⁹Fo sã n dɩk bũmb n kõ wẽn-naande, dẽ maand-a-la bõe? A noor ka vend bũmbu la a yõor ka kokd yũug ye.

²⁰Wẽnda bãad Wẽnd sẽn sɩbgde, geta rɩɩba sẽn tẽgna n wẽed siri, n wẽed siri wa zu-soab sẽn zĩ ne bi-pugla. Sũ-beed zãagre

²¹Zãag f meng ne sũ-sãanga la zãag f meng ne yɩɩr buud fãa.

²²Ninsaal sũur sã n noomẽ la vɩɩma sakda, la laado wogenda yõore.

²³Bas yɩɩre, gãneg f sũuri, dig sũ-sãanga; sũ-sãang sãama neb wʋsg yelle, a ka tõe n naf ned ye.

²⁴Sũ-kiiri la sũ-puuri kʋʋgda yõore; yɩɩr kɩtdame tɩ f kʋʋle, tɩ nan ka ta ye.

²⁵Sũur sã n noome, rɩɩb sakdame: f tagsda f sẽn dɩte.