Read SEBR SÕNGO, 1998 Sira biiga 33 Bible Online

Sira biiga 33 - SEBR SÕNGO, 1998 bible

Sira biiga 33

¹ [25†] Sẽn deeg-a tɩ Wẽnd n so-a, yell kõn pak-a ye, yell sã n wa pak-a me, b na yiis-a yellẽ wã.

²Ned ninga sẽn paama yam vẽenem ka kɩɩsd noora ye; sẽn deemd-a ne noorã wẽnda koglg, ko-wiis sẽn lengde.

³Ned ninga sẽn tara yam tẽeda Soaala gomde, a reegda noora wa a sẽn tũud maan-kʋʋda saglse.

⁴Fo sã n dat tɩ b kelg-fo bɩ f reng n segl f meng neere n yaool n gome, tigim f bãngrã n yaool n yiis-a.

⁵Yalma tagsgo wẽnesda wa bilim-bilm gʋlle, a tagsga ka yɛs zĩ yɛng ye.

⁶Zoa sẽn nong n laad a to wẽnda wed-raoogo, sã n zomb-a fãa la a sẽn kelemde: ĩii! Daar ka a to ye

⁷Daar fãa wĩndga pukdame tɩ yʋʋmda wa gilg n sege. Maana wãn marsã tɩ dasma ka zem taaba?

⁸Yaa Soaala n welg-b ne taaba, n yãk kibs rãmba daare la da-zaan-daare.

⁹B zẽka raar kẽere n pʋd tɩ ra-sõma, n bas sẽn ketã tɩ b boond tɩ ra zaalse.

¹⁰Woto me ne ninsaalba, fãa gill yii tõmẽ, wala a Adem sẽn yag ne tãndo.

¹¹Soaala kẽ-la b yam zulungẽ wã n welg-b ne taaba, b kɩtame tɩ b rɩk soya toor-toore.

¹²Kẽer paama b barka, la b yʋʋr zẽkre, b welga kẽer toore n kõ b menga, b sika kẽere, n bas kẽer ne kãab-wẽnga, b zãaga kẽer ne b pipi zĩiga, n kõ-b zĩ zaalse.

¹³Yagda rɩkda yagdo ne a nugu n yag a sẽn date; ninsaalba yaa wa yagdo b Naanda nugẽ. Wẽnd kõt-b-la yaok ning b sẽn date.

¹⁴Wẽng taoore neer n yɛse, kũum me taoore vɩɩm n yɛse, yel-wẽn-maand taoore nin-sõng n yɛse.

¹⁵Ges-y Yĩngri-Soab tʋʋma fãa; b pʋgda taaba, a yiib-yiibu, n kɩɩsd taaba.

¹⁶Sã n ya maam a Sira biiga, m wẽnda sẽn pa-a poorẽ n deeg tʋʋmde; m yaa wa ned sẽn pʋgd n yiisdẽ, n yiisd biis niyns sẽn pa bugsuntunga zugu.

¹⁷Soaala bark yĩnga mam me ka pa zaalem ye, wala m taaba, m paama biisi n pid m koglgo.

¹⁸Bãng-y tɩ mam ka tʋm m meng yĩng bal ye, m tʋma neb niyns fãa sẽn baood-b bãngre yĩnga. Wɩbg rɩta a pãngẽ

¹⁹Yãmb fã sẽn ya m neba taoor dãmba, la yãmb fãa m buuda nanamse, kelg-y!

²⁰Fo vɩɩm wakato, da sak tɩ f biiga, f paga, f yao, f zoa, soog-fo n maan b sẽn dat ye. Da rɩk f paoongo n kõ ned a to t'a zã ye; fo wat n maanda f bãngẽ.

²¹Fo sã n ket n vɩ ne yõore, da sak tɩ ned soog f ye.

²²Fo kamb sẽn na n kot foom n são fo sẽn na n wẽneg n kot bãmba.

²³Fo sẽn maand bũmb ning fãa, maan-a neere, da maan bũmb sẽn tõe n wa sãam f yʋʋr ye.

²⁴Fo kũuma raar beoog sã n vẽege, f loogr wakata sã n ta, dɩk f paoong n pʋɩ. Yemse

²⁵Bõang pʋɩɩre: yamdo, doore, zɩɩbo. Dakõor pʋɩɩre: buri, sɩbgre la tʋʋmde.

²⁶Kɩt tɩ f yamb tʋme, wa f sẽn wilg-a, woto f na paam n vʋʋse. Fo sã n bas-a yol-yole, a wat n baooda soog-m-menga.

²⁷Zɩɩbo, la wĩ sulgda bõang yubla, sõgen-wẽng yubl sulgda ne sɩbgre, ne sãbse.

²⁸Kõ-a tʋʋmde, da bas-a t'a zĩnd zaalem ye,

²⁹kʋɩɩm zãmsda tʋʋm-yoodo.

³⁰Kõ tʋʋmd ninga sẽn tog t'a maane, a sã n ka sake bɩ f balg-a. Da yɩ toog ne ned ba a ye tɩ loog ye, da maan bũmb sẽn ka zems ye.

³¹Fo sã n tar yamb a yembr bala, zã-a neere wa f menga, f namsame n paama-a.

³²F sã n tar sõgen a yembr bala, tall-a neere wala f saam-biiga, tɩ fo tar-a a tʋʋmde, wala fo sẽn tar f yĩnga wils tʋʋmde.

³³Fo sã n tar-a n namsdẽ t'a wa zoe, fo na n tũu so-bʋgo n paam-a?