Read SEBR SÕNGO, 1998 Sira biiga 34 Bible Online

Sira biiga 34 - SEBR SÕNGO, 1998 bible

Sira biiga 34

¹Zãmsdo [1] Ned sã n ka tar yam, a saagda sẽn kõn saage; yaa sẽn ka tagsda yɩɩga n zãmsde n zĩi n sɩgda.

²Fo sã n tẽed f sẽn zãmse, fo yaa wala ned sẽn digd sulunsuku bɩ sobgo, n dat n yõke.

³Nin-getga ne zãmsgo wẽnda taaba, fo sã n be a taoore, fo yãeta f meng wẽnego. La sã n ya sɩda, ned meng toore, a wẽneg me toore.

⁴Bõe la f yiisd dẽgdẽ sã n ka rẽgdo? Ka sɩd la f na n yiis zirẽ-beedẽ ye.

⁵Zãmsda sẽn yet tɩ woto n be, woto n na n yɩ wã, ka raar fãa la a ya koɛɛga Soaala sẽn yet tɩ b taasd-d ye, woto wã ka bũmb sẽn tog n gãd kẽnkẽ ye.

⁶Pag sã n wa kũmd dogem, ka zãmsd bal n pid a yama t'a zĩi n yɩɩdẽ? Dɩlla d da yaas n bilg zãmsd võor ye. D da tẽ bũmb ye!

⁷Yʋng zãmsdo kɩtame tɩ neb wʋsg tudgi. Wʋsg sɩd konga b sẽn da gãe n tẽeda.

⁸Noor nengẽ wã yaa toore, a sẽn yet tɩ d maana n wat ne d sõmblem. Yam vẽenem soab gomda ne pʋ-peelem. So-toak yõodo

⁹Ned sã n gõ wʋsgo a bãngda bũmb wʋsgo, la f sã n mi bũmb wʋsgo, yaag f noor me n gome lebgda naana.

¹⁰Sẽn ka nams-a bãngr zemsame bala,

¹¹sẽn gõ-a wʋsgo tɩga yɛl wʋsgo.

¹²M yãee bũmb wʋsgo m kẽna pʋgẽ, la m sẽn zãms yɩɩda m sẽn togsd m noorẽ.

¹³Naoor wʋsgo m sega bũmb sẽn da tõe n kʋm-m la bũmb ning sẽn kɩt tɩ m põs kũuma, yɩ-la m yam vẽenema la m sẽn da ka le ya vɩɩma sãana. Wẽnd n so tõndo

¹⁴Sẽn deeg-a tɩ Soaalã n so-a paamda yõ-woko.

¹⁵Tõnd sẽn sagl d yɛla ned ning nugẽ wã, yaa yẽ soab la d Fãagdã.

¹⁶Sẽn zoet-a Soaala, ka zoet bũmb dabeem ye, a ka rigd ye, t'a saagr bee Wẽnnaam nengẽ.

¹⁷Zu-noog soaba la sẽn zoet-a Soaala.

¹⁸Yaa ãnd la a teeg yã, la ãnd n gũud-a?

¹⁹Soaala nin geta sẽn nong-b bãmba. B yaa gãongo sẽn tar pãnga, b sõngr ka kongd ye. Soaala lillda b nebã tɩ pems tʋʋlga ka wẽed-b ye bãmb la b maasem tɩɩg wĩntoogo, bãmb n tusd gɩdgr buud fãa n zãagd ne-ba, bãmb n kokd-b tɩ b ka lʋɩt tẽng ye.

²⁰B zẽkda ninsaal yam, n vẽnegd a nini n kõt-a laafi, vɩɩm la barka. Waoogr ning sẽn noom Soaalã

²¹Sã n dɩk wagdem bũmbu n kʋ maoongo, dẽ ka yõod ye, yaa Wẽnd laado,

²²nin-wẽns kũun ka noogd b sũur ye.

²³Yĩngr-Soaba ka reegd nin-wẽng kũun ye; b pa get rũmsa sõor n yaool n kõ yel-wẽnda sugr ye.

²⁴F sã n dɩk naong soab rũnga n wa kʋ maoongo, yaa wala fo sẽn kʋʋd biiga a ba taoore.

²⁵Naong rãmba rɩɩb paooda, la rẽ la b teeg n vɩ; f sã n yõk-a n deeg n bas ba, f yaa nin-kʋʋda.

²⁶Fo sã n deeg naong soab tʋʋm-teedo n bas-a t'a ka le tõe n bao n kõ a noore, fo kʋ-a lame.

²⁷ [26†] Fo sã n mong f tʋʋm-tʋmd yaoodo, f raaga a zɩɩm.

²⁸Yãoo soab metame, tɩ yãoo soab tusd n lubdẽ, bõe la b paam yã sã n ka namsg bala?

²⁹Nin-yend ningda barka t'a to yãkd barka, yaa ãnna koɛɛg la Soaala na n kelge?

³⁰Fo sẽn na n sɩɩs kũum n kẽng n tɩ pek f nugu, n leb n wa sɩɩsd-a yɛsa, fo nuga pekr võore?

³¹Botome wẽnda ned sẽn loeta a noore a yel-wẽna yĩnga, n leb n yik n kẽng n na n tɩ maan yel-wẽnd kãmga. Ãnna n na n deeg a pʋʋsgo? A sulg-m-meng võore?