Read SEBR SÕNGO, 1998 Sira biiga 38 Bible Online

Sira biiga 38 - SEBR SÕNGO, 1998 bible

Sira biiga 38

¹Tɩpd la bãaga [1] Waoog tɩɩm soaba wa sẽn toge, a tʋʋma yĩnga, yẽ me yaa Soaala naande.

²A paama kũun Yĩngr-Soaba nengẽ, n tõe n sãoog bãaga. Yaa wa kũun f sẽn paam dĩma nengẽ.

³Tɩɩm soaba bãngr zẽkda a zugu b waoogd-a-la wa nin-bɛdã.

⁴Tɩɩma yaa tẽnga kũuni, b yita bũmb fãa Naanda nengẽ, la ned ning sẽn tara yam ka sãbsd-b ye.

⁵D tẽrame tɩ ne raoog sẽn kɛɛg n los koomẽ a Moyiiz tõogame tɩ kooma lebg noogo la b tũ rẽ n bãng Wẽnd-Pãnga.

⁶Yaa Wẽnd n kõ ninsaalb bãngre tɩ b tõog n pẽg bãmba, b tʋʋma sẽn tar pãng yĩnga.

⁷Ne a tɩɩma, tɩɩma soab tɩbsdame la a yolsd neba.

⁸Tɩɩma soab kalemda tɩtã n naag taaba la woto dũni bõn-paal n ket n tongd n dabda, woto la zĩig zãnga, Wẽnd tʋʋma sẽn ka be sɛɛbã, dũni wã ket n gãee ne yĩn-maasem.

⁹M biiga, laafi sã n ka be foom, bɩ f tõog f menga n yõk Wẽnd sɛɛga tɩ b na sãoog-fo.

¹⁰Tuub f yel-wẽna, tall f meng neere, yiis rẽgd buud fãa f sũurẽ.

¹¹F pãng sã n tõe bɩ f kõ Soaala zom nug-koore, n paas tɩdare la kaam.

¹²Dẽ poore, kẽng tɩɩm soab nengẽ tɩ yaa Wẽnnaam n naan-a. Tɩɩm soaba na n pa-la f sɛɛgẽ tɩ f tara a tʋʋmde.

¹³Wakat ning menga tɩɩma soab tõe n sãoog-f lame.

¹⁴Tɩɩma rãmba me pʋʋsda Soaala n kos b sõngre, n yõk b sɛɛga, n tõog n yols bãagã la b sãoog-a tɩ yõor da yãk ye.

¹⁵Ned ninga sẽn maanda yel-wẽnd tẽege: sẽn tõe n zẽk a zug ne Wẽndã na n paa tɩɩm soab nugẽ. Kʋʋre

¹⁶M biiga, kũum sã n ki bɩ f raag f nintãm, kũm n wilg f sũ-sãanga, dẽ poore, mum kũuma wala sẽn tog tɩ b maan to-to la f maneg yaooga neere.

¹⁷Kũm wʋsgo n wilg f sũ-beedo, to f yãoogo, rɩ kʋʋra wala sẽn segde daar a ye, dasma a yiibu, tɩ b ra wɩd-f ye, dẽ poore sigs f sũuri.

¹⁸Bãng tɩ sũ-sãang wata ne kũum, sũ-sãang wata ne komslem.

¹⁹F nimbãaneg sã n ya wʋsgo f sũur pa maagd naana ye. F sẽn vɩ ne naongã wẽnda Soaala kãab beedo n pʋgd-fo.

²⁰Dɩlla, sigs f sũuri n bas sũ-sãanga, la f tags f meng baasgo yelle.

²¹Da yĩm ye; ned sã n ki a kiime, poorẽ lebr ka be ye, fo sũ-sãanga ka na n tek fɩ sã n ka a sẽn na paas fo menga namsgo.

²²Tẽeg bala tɩ yẽ sẽn tũ sor ningã fo me na n dɩka so-kãnga. Zaamẽ yɩɩ yẽnda n denge la beoogo yaa foom n pʋgde.

²³Ned sã n ki n sɛ, n vʋʋsd a yaoolem vʋʋsgã fo me vʋʋs ne a yell tagsgo. A sẽn ki wã bɩ fo me yols f sũuri. Yam vẽenem gɩdgre

²⁴Sebr gʋlsda yam paamda vʋʋsg wakato, la sẽn tar-a vɩʋʋgo n tagsdẽ fãa paamda yam.

²⁵Sẽn gãt-a wãk na n yɩɩ wãna n yɩ yam soaba, bũmb ninga sẽn pak-a n yɩɩda, yaa legl niisã yaa kõs ne a supĩim la a lebs n kõse; sẽn gʋʋnda niis vɩɩme la a tʋmd ne bãmba; sẽn loe a zugu, t'a tar n gomda, yaa a lʋlla yelle.

²⁶Bũmb a ye bal n be a sũurẽ: tak wãka, la a sẽn mongd a nina gõeema, yaa yamd da wa paoog niigã.

²⁷Yaa woto me ne tʋʋm-tʋmdba la metbã: bãmb tʋmda wĩntoogo la yʋngo; b tagsda b sẽn na maanega. Yaa woto la b maanda, neb sã n dat n naan gʋlsg kaseto n kõ dĩma t'a tikd a sɛba. Sẽn peesd-a raoogo ne kɩtga me boto: vʋʋsg ka ye. A peesda n teemnẽ, a modgdame n dat n togs bũmb wẽnego. Yẽ soab me mongda a nina gõeem, a sẽn dat tɩ tʋʋmna yɩ neera yĩnga.

²⁸Sã n ya sẽyã, yẽ me be a kʋdgẽ n zĩi n yeg a palle, t'a yama fãa be a kuta tʋʋmdã. Bugma tʋʋlem kɩtame t'a kaood tʋʋlgo; la tʋʋlga naag n yala a zabd-n-taaga, t'a rat ne a sũur fãa n menes-a. Zãara bʋʋr tara a tʋbã n wekdẽ, a nina yiiga ne a sẽn kutã, n dat t'a rɩk bũmba wẽnego; a yama ratame t'a tʋʋmda yɩ neere; yʋngo a zãgsda gõeem n na n maneg n baase.

²⁹Sã n ya yagd me, yaa boto, a be a yagd zĩigẽ, n yagd a yagd bala, a nao la a nus naag n tʋmdame, n baood bala tɩ yɩ neere.

³⁰A sã n wʋlg a yakã, a tabd-a-la ne nao n nomd-a ne a nusi t'a bɩ n yaool n yag a sẽn na n yage, n maneg n saas-a neere t'a yɩ sõmã. A sã n gãe yʋngo a tagsda a sẽn na n maan a soab n le paas bũmb tɩ yɩ neere.

³¹Nin-bãmba fãa modgda b menga n maan b nus tʋʋma ne b sũur fãa n sõog ka la b sõog ka tɩ yɩ neere. Bãmb fãa teegda b nusa n tʋmdẽ la sɩda ned kam fãa kõta a bãngr kaseto.

³²Wẽnd maag nus tʋʋm-tʋmdba tɩ rot metẽ, tɩ neb tõe n zĩndi bɩ b kẽedẽ la b yita. La b kõn sok bãmb baa fɩ, tẽnga sɛk zĩigẽ ye.

³³Lagenga zĩigẽ b pa ningd-b sʋk ye, b pa naagd n zĩnd n kao bʋʋd ye, b ka mi Noora ne a sẽn dat ye, b vẽenema pa sek b zãms b taab ye ka bãmb n tõe n naan yelbũnd ye.

³⁴B tʋʋma tekda b nusa sẽn minime; la b kota Wẽnd tɩ b sõng-ba tɩ b tʋʋma yɩ neere. Yaool n ka boto la tog n maane sẽn bilgda Pãng-Soaba Noya a yamẽ ye.