Read SEBR SÕNGO, 1998 Sira biiga 40 Bible Online

Sira biiga 40 - SEBR SÕNGO, 1998 bible

Sira biiga 40

¹Ninsaal nimbãanega [1] [30†] Bʋk ne bʋko n paamd ninsaal fãa; yel-toodo namsda Adem biis fãa wʋsgo, al b dogem daar n tãag b kũum, n tãag b sẽn na n leb b Maa-tẽngẽ.

²B sẽn tagsd bũmb ning yelle, bũmb ning dabeem sẽn tar-ba, yaa b kũum wakato b sẽn gũud ne yɩɩre.

³Ka tũusd ye: nanamse sẽn zĩ-b naam goeel zugu, wala nimbãan-dãmba sẽn zĩ-b tomẽ la tompɛglmẽ.

⁴Neb niyns sẽn yer-b fu-neeba, la b fũgen naam pugla, wala naong rãmba sẽn yer kʋds rãmba,

⁵bãmb fãa nengẽ yaa sũ-puuri, bõn-zoeere, digbu, yɩɩre, kũum dabeem, kisgu la zaba. Gãag wakato, la vʋʋsg wakato, yʋng gõeema wata ne tagsd a taaba.

⁶Fo sẽn paam n gãand n vʋʋse bilf bala, la zãmsd sẽn yẽeg-f tɩ le ya naong wa wĩntoogo. F gãe n lebda ne f sẽn zãmsã n ka mi f sẽn beẽ ye, wẽnd ned sẽn yi zabr zĩig n zoetẽ.

⁷Fo sẽn wat n yet tɩ f põsame wã la f sẽn nekde n laad f meng f rabeem faada yĩnga.

⁸Bõn-naandsa fãa, sẽn na n sege ninsaala wala rũnga, la yel-wẽn-maanda, n yɩɩda,

⁹yaa kũum, zɩɩm daagre, zaba, sʋʋga, yel-beedo, kom, tẽn kũum, bã-longdem.

¹⁰ [31†] Woto fãa maana yel-wẽn maandb yĩnga, la yaa bãmb yĩnga la b sãam tẽnga ne koom.

¹¹Sẽn yit-a tomẽ, na n leba tõmẽ, la sẽn yit-a koomẽ na n leba mogrẽ. Yɛl kɛg sɛɛbo

¹²Kõ kũuni n dat tɩ b sõng-fo tɩ f paam bʋʋm na n sɛɛme, yɛl kɛga me na n sɛɛme, Wẽnd sẽn pʋgd tõnd ne nonglem ninga nonglem kãng bal n ka be sɛɛbo.

¹³Arzɛk sẽn paam ne zãmbo, na n loogame b na n looga wala koom sẽn fẽbge n bas kʋlwaoko, b na n looga wa sa-tãsg, saag niib raare.

¹⁴Yɛl kɛga sẽn da rɩt b rãmba sũur na n yɩɩ noogo. Yel-wẽn-maand me bãng t'a kẽnda a sãoong zĩigẽ.

¹⁵Nin-wẽns yagense wẽnd-b lame, b ka na n tão will wʋsg ye, tɩ b sã n dat n kɩ yẽgna yaa pĩig la b na n wẽneg n tãage.

¹⁶Rudum ninga sẽn yit kʋɩlg fãa noorẽ yẽ la b rengd n võoge.

¹⁷Yel-sõmd wẽnda tɩɩs sẽn tɩg koom, la wẽn-kosgo yõod ka be sɛɛb ye. Sẽn yɩɩd ne sõmblem

¹⁸Ned sẽn pa tʋmd f to yĩnga, ned sẽn tar tʋʋmd n tʋmnẽ, a soab vɩɩm yaa noogo: la sẽn bukd-a arzɛk n yɩɩd ne sũ-noogo.

¹⁹Tar kamba la me tẽng n kẽedẽ, dẽ n zẽkd ninsaal yʋʋre. La pʋg-sõngo la b pẽgd n yɩɩda.

²⁰Yɩɩl la rãam wata ne sũ-noogo, la yam vẽenem nonglem sũ-noog n yɩɩda.

²¹Wɩɩga la kʋnde sakda kelgre, la ninsaal gom-noog n yɩɩda.

²²Nif sũ-noog yaa bũmb sẽn tar yasre la neerem gesgo la bũmb ninga sẽn pidsd-a ne sũ-noog n yɩɩda yaa pʋʋg sẽn sob ne kood gesgo.

²³Zo-rãmb la tũud-n-taas segda taaba n sõsda; la pag ne a sɩda, bãmb b yiibã n yɩɩda.

²⁴Saam-biis la yags sõma tõe n yiis-f-la yellẽ, la kõ bũmb Wẽnd yĩnga, n wat ne fãagre n yɩɩda.

²⁵Sãnem la wanzurfu zãada, yẽ soab kẽnd yaa toore, la sagl-sõng soaba n yɩɩd ne yẽesem.

²⁶Arzɛka, la pãng soab kẽndame tɩ sũur ka kiuusdẽ ye, la Soaala nif-zoɛt n yɩɩda. Sã n zoet Soaala dabeem, f ka baood bũmb a to n na n teeg yɛs ye.

²⁷Soaala dabeem rigbu yaa arzãn kẽesgo, a gũud-f-la ne bũmb wʋsgo n yɩɩd naam. Bõsgo

²⁸M biiga, da teeg bõsgo n vɩɩnd ye, kũum sãoo bõsgo.

²⁹Ned ninga sẽn teegda a to n na n paam n dɩ, a soab vɩɩm ka vɩɩm ye. A rẽgemda a meng ne rɩ yoodo, rɩɩb a sẽn ka bao a toor ye; sẽn mi a menga ka maand boto ye.

³⁰Sẽn ka zoeta yãnde, getame tɩ bõsg rɩɩb yaa noogo, la a pʋgẽ wã yaa wa bugum n na n dɩ-a.