Read SEBR SÕNGO, 1998 Sira biiga 41 Bible Online

Sira biiga 41 - SEBR SÕNGO, 1998 bible

Sira biiga 41

¹Kũum [1] Kũum, fo tẽegr yaa toog wʋsgo ne ned ninga sẽn tara arzɛka n vɩ t'a sũur noomẽ; n ya toogo ne ned ning me bũmb sẽn ka paoogd a soaba t'a ket n baood dũni sũ-noogo.

² [32†] Kũum, fo tẽegr yaa sũ-noogo ne ned ninga sẽn yaa far soaba n ka leb n tar pãng ye ne nin-kẽem pãng sẽn sɛ, tɩ yɛl buud toor-toore namsd-a, t'a ka le tõe a menga la a zabd ne Wẽnde.

³ [33†] M biiga, da zoe kũum waoong ye; tags neb niyns sẽn deng b foom, la sẽn na n yaool n wa-b fo poorẽ.

⁴Soaala n yeel tɩ sẽn vɩ-a fãa na kiime. Bõe yĩnga la fo yet tɩ Yĩngri-Soaba sẽn maana ka tat fo yam; fo sã n vɩɩnd yʋʋm piiga, yʋʋm koabga, bɩ tusri, fo sã n wa ta kɩɩms zĩigẽ, ka sõadg kãng la b le zĩ n sõt ye. Nin-wẽns yell sẽn na n yɩ a soaba

⁵Bi-be-wẽns yaa yel-wẽn-maand kamba, bi-bees pida nin-wẽns zaka.

⁶Yel-wẽn-maand kamb paoong rigda sãoong zĩigẽ, b kamb na n paama wɩdg daar fãa.

⁷Nin-wẽng kamb na n zaba ne b ba tɩ yaa yẽ yĩng la neb paoogd bãmba.

⁸Zu-beed rãmb la yãmba, nin-wẽnse! Yãmb zãgsa Yĩngri-Soaba noora reegre.

⁹Yãmb doga kãab wẽns yĩnga, la kãab wẽns n na n lʋɩɩ yãmb zugu, y kũum wakato.

¹⁰Bũmb ning fãa sẽn yit tomẽ, na n le leba tomẽ, woto me nin-wẽnsa sẽn wa ne b kãab wẽnsã, sãoong zĩigẽ la bãmb me na n lebe. Yʋ-sõngo

¹¹Ninsaal yĩng yaa zaalem la bũmb sẽn ka menemde, yaa nin-sõng yʋʋre.

¹²Ning pãng n maan neere tɩ f yʋʋr yi, tɩ yʋ-sõng n ka menemde la ba ya sãnem gil tusr la f bas yã bũmb ka wat n kees ye.

¹³Fo sã n vɩ ne sũ-noogo, bãng tɩ rẽ tara raare n sõta; la nin-sõng yʋʋr paada zamaan ne zamaana. D sẽn tog n zoe bũmb ning yãnde

¹⁴M kamba, mam sẽn wilg yãmb bũmb ninga fãa, bĩng-y-b neere y yamẽ ne laafi. Yam vẽenem sẽn dɩkd n solge, la arzɛk sẽn tuk m busi b belem yõod yaa bõe? Yõod ka ye.

¹⁵Ned ninga sẽn solgda a gãeemdo, n são ned ninga sẽn soglda a yam minim.

¹⁶M dat n wilg-y-la y sẽn na n zoe bũmb ning yãnde, tɩ pa segd tɩ y tʋk yãnd n kẽnd ye; yãnda buud yaool n bee toor-toore la neba fãa tagsg ka a ye ye.

¹⁷Zoe-y yãnde ne yoobo, y ba ne y ma taoore, ne zirẽ yagbo, naaba la pãng rãmb taoore,

¹⁸ne noor tõdgre bʋ-kaood taoore, ne yel-wẽnde kʋʋnga fãa taoore; ne zãmbo ne f tũud-n-taaga bɩ ne f zoa,

¹⁹ne wagdem f meng tẽngẽ. Zoe yãnde ne zirẽ yagbo, zoe yãnde ne f pʋleng sãoongo, ne tẽeg nugu n bõs rɩɩbo, ne zãgs b sẽn kot-f bũmb ninga.

²⁰Zoe yãnde ne neb pʋʋsd-f tɩ f ka reegdẽ, ne yaas n ges pʋg-yoaada.

²¹Zoe yãnde ne f toog ka be ne f tẽnga biiga, zoe yãnd ne reeg pʋɩɩr sẽn ya ned a to rẽnna, zoe yãnde ne f to pag gesgo,

²²zoe yãnd ne f pag roog biiga, da kʋɩɩb-a la ra kolg a gãag ye. Zoe yãnde n da paoog f zo-rãmb ne f gom yood ye; la f sã n kõ ned bũmbu, da leb n be be n gomd-a gom-yaals ye. Da yeel-a tɩ Wẽnd maag-fo t'a tar a sẽn tare.