Read SEBR SÕNGO, 1998 Sira biiga 42 Bible Online

Sira biiga 42 - SEBR SÕNGO, 1998 bible

Sira biiga 42

¹Zoe yãnde ne rɩk gomde f sẽn wʋme n togs yaare, la f luk ned bãongo. Zoe-y yãnd ne yɛla woto buudu la neba fãa na kõ-y bʋʋm. Da zoe yãnd ne yɛl niynsa sẽn pʋgda ye, b ra yɩ bũmb sẽn na n lub-f yel-wẽndẽ ye.

²Da zoe yãnde ne Yĩngri-Soaba noor deegr ye, ne Yĩngri-Soaba saglsa reegr ye. Da zoe nifu n wa sak n paalg bʋʋdo bu-zẽn sẽn ka tar yell a zugẽ ye.

³Da zoe yãnde ne ligda geelse, foo ne f zoa bɩ ne f tũud-n-taaga ligd ye; da zoe yãnde n pʋɩ f paoong ne neb a taab ye.

⁴Da zoe nifu la mag ne magd sõng ye. Da zoe yãnde ne f sã n dokda wʋsg bɩ bilf ye.

⁵Da zoe nifu ne koos-n-dok ye, la ne f kamb sɩbg-toog ye; da zoe sõgen sẽn ya wẽng poor pãb tɩ bug ye.

⁶F pʋg sã n ka peel ne f paga bɩ neb sã n be f zakẽ n soosdẽ n dɩkdẽ, da zoe yãnde n sog f roog kʋɩleng ye.

⁷Fo sẽn bobend bũmb ningã, deng n sõde la f mage. F sẽn kɩte la f sẽn deegde, gʋls rẽ fãa tɩ yãnd ka ye.

⁸Da zoe yãnde ne yalma la nin-bil saglg ye, da zoe nin-kẽem-ra-yaalg sɩbgr ye. Yaa woto la f na n wilg tɩ f yaa ned sẽn yãend wubri la neb fãa na n pẽg-f lame. Ba rãmb yɩɩre

⁹Bi-pugl ka mi t'a ba tagsda a yelle ne yɩɩr ye; a sã n gãe yʋngo a ka tõe n gũs ye; bi-pugl sã n ket n paoodẽ, a ba zoeta rabeem t'a na n wa ka paam sɩd ye, a sã n paam sɩd n sɛ, a zoeta rabeem tɩ b na n wa kisg-a.

¹⁰Bi-pugla sã n ket n be a ba zakẽ, a ba zoeta rabeem t'a na n wa maan bi-beelem n dɩk pʋga, a ba zakẽ, la a sã n paam sɩda, a zoeta rabeem t'a na n wa maan sẽn ya kegre, bɩ a zoeta a na n wa yɩ pʋg-kiiri.

¹¹Fo bi-pugl sã n ya yaare bɩ neb sẽn gũusd-a ra paoog-a ye, ka rẽ a na kɩt tɩ f lebg f bɛɛb laado, a na yɩ baobg tẽnga pʋga, a na wa ne tẽnga rãmb gũm taaba, tẽnga zãng sẽn tigma sʋka la f na n yãe yãnde.

¹²Fo bi-pugla kõn pẽneg rap ye, a ka na n lɩkd pagba zagsẽ ye,

¹³sẽn kɩt tɩ fuug kẽed bugdu yita fuugẽ la pag me wẽnem yita pagẽ.

¹⁴Dao toolem n são pag bʋgsem! Bi-pugl sẽn ka mi yãnd paoogda a ba. SAK A NU SOABA: WẼNNAAM PẼGRE

¹⁵Marsã m na n goma Soaala tʋʋma yelle, mam sẽn yãenda la m na n togse. Soaala maana b tʋʋma ne b goama, la b sẽn tʋlg bũmb ning fãa waame.

¹⁶Wala wĩndg sẽn yãgd n pukd bũmb fãa; woto me Soaala sẽn naana fãa pukda b ziiri.

¹⁷Soaala malɛgsa ka tõoge n moon b tʋʋm-bãna fãa ye. B ka tõog n togs tʋʋm-bãn niyns Pãng-Soaba sẽn maane n yals dũni wã b taoore, bõn-kɛgeng zug t'a ka lʋɩtẽ ye.

¹⁸B nee bũmb ning fãa sẽn be mogra pʋgẽ, la sẽn solg fãa ninsaal sũurẽ. Yĩngr-Soaba mii fãa, bũmb ka be n tõe n põsg-b ye. B mii bũmb fãa ne a wakato.

¹⁹B mi sẽn looge la sẽn nan wate, b tara sẽn solg fãa buka.

²⁰Tagsg ba a ye meng ka be tɩ b ka miẽ ye, gomd ka be tɩ b ka wʋmd a võor ye.

²¹B yiisa bõn-bãn niyns fãa b yam zulungã sẽn tags b rãmb yelle, la b yalsa bũmb kam fãa a zĩigẽ. Ad-y b ka tar sɩngre, b ka tar sɛɛbo; b bee wakat buud fãa. Bũmb ka be b sẽn naana n dat paasg ye, bũmb ka be n dat woogr ye; b pa ne b sagend ye.

²²B tʋʋma fãa yaa sõma, b fãa toga ne gesgo ba sẽn pa yɩɩd b bug-pãrga.

²³Bõn-kãens fãa vɩɩme la b bee wakat buud fãa, bũmb toor-toor yĩnga, la b fãa deegda noore.

²⁴Bũmb fãa maaname tɩ b ya b yiib-yiibu, n togl taaba. Tʋʋmda yaa sẽn tʋm baase.

²⁵Bũmb kam fãa paasda a to neerem. Woto f ka tõe n yeel tɩ f gesa bõn-neerã n tɩg ye.