Read SEBR SÕNGO, 1998 Sira biiga 44 Bible Online

Sira biiga 44 - SEBR SÕNGO, 1998 bible

Sira biiga 44

¹Tẽn-kʋdem-wẽnnẽ dãmba pẽgre [1] D pẽg ba rãmb niyns yʋʋr sẽn yi moogo, tẽn-kʋdem-wẽnnẽ ba rãmba, wala b sẽn pʋg taaba n wa dũni.

²Soaala kõ-b-la pẽgre, pẽgr kãsenga, la bãmb n yɩ tẽn-kʋdem-wẽnnẽ nin-bɛda. Sõdgre

³Dĩm dãmb n zĩnd moogo, n dɩ naam b soolmẽ, b yʋʋr yii wa pãng rãmba, b zamaanẽ neb sẽn paam yam n sagl sagl bɛda, neb sẽn gome n puk b bãngr n wilg yɛl sẽn wate,

⁴kẽer da wilgda neba sore ne b sagl-sõngo, kẽer yɩɩ dĩm biis sẽn paam yam zulunga, yam vẽenem dãmb sẽn gʋls b bãngra sebr zugu, karen-saam-dãmba sẽn da pid ne bãngre, sẽn nek buuda yam la sẽn pa sak tɩ bãngra kɩlle.

⁵Kẽer da yaa yʋʋmba n gʋls b yɩɩlã, kẽer da yaa soalem nood la yelbũna la b wilgda.

⁶Kẽer da yaa arzɛk rãmba, n tar pãnga n da vɩ b yiri ne laafi.

⁷B vɩɩm wakato, b dogd-n-taase da pẽgd-b lame b da waoogd-b-la wakat buud fãa.

⁸Kẽer yʋʋr yiime, tɩ b ket n gomd b yelle n pʋt b yʋʋr ne waoogre.

⁹Kẽer me loogame n ka bas bũmb sẽn na n kɩt tɩ b mii n tẽeg b yell ye, b loogame, wala b ka zĩnd ye. B vɩɩndame la b ka tol n bas buk ye; la bãmb poore, yɩɩ boto ne bãmb kamba. A Israyɛl yaab rãmba

¹⁰Sã n ya tõnd yaab rãmbã, Israyɛl kamba, b yɩɩ neb sẽn pid ne taab nonglem, ned ba a ye ka yĩm tɩ b ra yaa nin-tɩrs ye.

¹¹B arzɛka lebga b kamb dẽnna, b basa b kamba ne b vɩɩm yõodo.

¹²B buuda saka zooda Wẽnd sẽn da yõg ne bãmbã la yagensa me saka wa bãmba, n põs wãabo.

¹³B buuda kõn menem abada, la bũmb kõn loog ne b ziira ye.

¹⁴B paama kũum sõngo la b mum-b lame tɩ b gãe ne laafi, la b kõn tol n yĩm b yell abada.

¹⁵Bu-zẽmba na n moona b yam vẽenema la b na n pẽg-b-la kʋʋnga sʋka. A Enok

¹⁶ [36†] A Enok taa Soaala yam, la Soaala bool-a-la b sɛɛgẽ. Sẽn wa-b yẽ poorẽ wã yĩnga, a yɩɩ ned sẽn dɩk a meng zãnga n togl Wẽnde. A Nowe

¹⁷A Nowe yɩɩ nin-sõng zãnga; Wẽnd sẽn waa n sãam b zamaana, yẽ n deeg pipi ninsaalba zĩiga, n lebg bu-yẽgre. Kooma sẽn waa n deeg zĩig n yãmb zãngã yẽ maasem yĩnga neb kẽer paam n põsame.

¹⁸Wẽnd maag yẽ la Wẽnd zoodã, sa kãseng kõn le ni n sãam bõn-vɩɩl buud yɛs ye. A Abraam

¹⁹A Abraam yɩɩ yaaba, buud ka tɛk yaaba. A yʋʋr yii al wʋsgo, sẽn paam-a yẽ pẽgra ka ye.

²⁰A deega Yĩngri-Soaba noor daar fãa, la b yõga zood ne taaba. A ka yĩm zooda yell ye, zooda yõgb kaset ra ninga a yĩngẽ; la Wẽnd sẽn fɛɛs-a, b bãnga a pʋ-peelem, n pẽg a tũudem.

²¹Yaa rẽ yĩnga la Wẽnnaam kãab-a, tɩ yẽ ne a kamba maasem yĩnga, bu-zẽmba mens na n paama barka. B na n kɩtame t'a yagensa sõor lebg wala tẽng tõm, la b na zẽka b yʋʋr wala yĩngr ãdse. B tẽn-kẽedga sɩngda Yamsem Mogre n tãag Mog-kãsenga, n sɩng Efrat n wa tek mooga tɛk-n-tɛkem. A Izaak ne a Zakoob

²²Wẽnd sẽn da nong ba wã, a Abraam b kãaba biigã, a Izaak, b pĩnd zoodã la pĩnd barkã.

²³B kɩtame tɩ b bark la b zoodã sig a Zakoob; a Zakoob n na n deeg barkã n taas dũni gilli; a Zakoob n na n deeg tẽngã n sooge; la tẽnga na n pʋɩɩ tẽn-peelem piig la a yiibu tɩ buuda sak fãa paam a rẽnna. A Moyiiz Wẽnnaam kɩtame tɩ b buuda sʋka, nin-yend zĩnd be n ta neba fãa yam nin-kãng yɩ-la a Moyiiz meng a toore.