Read SEBR SÕNGO, 1998 Sira biiga 46 Bible Online

Sira biiga 46 - SEBR SÕNGO, 1998 bible

Sira biiga 46

¹A Zozuwe la a Kalɛb [1] A Nun biig a Zozuwe yɩɩ raood soab zabr zĩigẽ; yẽ n deega a Moyiiz zĩiga n tʋm bãngr tʋʋmde. A Zozuwe yʋʋrã sɩd toga ne-a; Wẽnd kɩtame t'a lebg b buuda fãagd kãsenga. A tõoga bɛɛba sẽn yik zabr ne yẽnda, n deeg b tẽnsã n kõ a Israyɛl.

² [39†] A da pida ne pẽgre wakat ninga a sẽn wa n zẽk a nug yĩngri n dĩmsda a sʋʋga tẽnsa taoore.

³Ned ka zĩnd pĩnd sẽn paam a sũ-keelma ye. Yẽ n yɩ Soaala tãnsoaba.

⁴Ka yẽ n kɩt tɩ wĩndg yaase, tɩ daar a yembre kaoos wa dasma a yiibu?

⁵Bɛɛba sẽn wa n gũbg-a zãngã, a boola Yĩngr-Pãng-Soabã, la b zĩnda yĩngr n deeg a pʋʋsgo la sapɩlem gil la b fẽeg ne pãnga.

⁶A Zozuwe bʋʋga bɛɛbã n kʋ b tãb-biisa gilli, Bɛt-Orõ pennẽ. Da segdame tɩ bu-zẽmbã sẽn yik zabr ne Soaala, bãng zab teed niynsi sẽn da ning tãnsoab a Zozuwe nugẽ, sẽn da tũuda Wẽnnaam daaba nugẽ. A Kalɛb

⁷A Zozuwe tũu Pãng-Soaba; a Moyiiz zamaanẽ a wilga a sõmblem, yɩɩ yẽ ne a Kalɛb, a Yefune biiga; b da sagenda neba tɩ b bas wẽng maanego, la b bas guglungu ne Soaala tɩ ka sõma ye.

⁸Neb tus kobs-yoob sʋka, bãmb b yiib bala n põse, n tõog n kẽ tẽng ninga bĩisim la sɩɩd sẽn beẽ n zoet wa koom.

⁹Soaala kõ-la a Kalɛb pãnga al tɩ ba a sẽn waa n kʋʋlã, a zabame n deeg tẽn-bɛd sẽn zao tãms zutu n kõ a yagens tɩ b sooge.

¹⁰Woto Israyɛl kamb bãngame tɩ Soaala tũudem yaa noogo. Bʋ-kaoodba

¹¹D tog n goma bʋ-kaoodba me yelle: tũu ne yɛl toor-toore tɩ b yʋʋra yi ne pẽgre. Bãmb pa wẽnemd b kãar n tees Soaala ye. Bãmb pa kẽ wẽn-naandsã, n waoog-b ye. D tẽeg b yelle la d da yɛ ne Soaala bark pʋʋsg ye.

¹²D miime tɩ b keta yaadẽ la Wẽnd na yiis neb sẽn na n deeg b zĩiga! Wẽnd na kõ-b vɩɩm paalga b kamẽ! A Samwɛl

¹³A Samwɛl yɩɩ neda Soaala sẽn da nong al wʋsgo, a yɩɩ Soaala bãngda; a vigla naam, a sõoga neb naam kaam tɩ b lebg buuda dĩm dãmba.

¹⁴A kaoo neb bʋʋdo, n tũ Soaala noore, la Soaala gesa a Zakoob yagensa yelle.

¹⁵A sẽn da pʋgd Wẽnd to-to wã n kɩt tɩ b bãng t'a ka zirẽ bãngd ye. A sẽn togsa kõo kaseto t'a goama toga ne kelgre.

¹⁶A bɛɛba sẽn waa n gũbg-a, a boola Wẽnd-Pãng-Soaba, n kos sõngre, a yõka pe-bila n maan maoongo.

¹⁷Soaala zĩnda yĩngri n kɩt tɩ saag tãse, la b moona ne koɛɛg kãsenga tɩ neb wʋm b koɛɛgã.

¹⁸B tõoga bɛɛba taoor dãmba, b tõoga Filisti rãmba gilli.

¹⁹A sẽn waa n na n ki, a yeela Wẽnd la dĩma taoore: «M pa rɩk ned ba a ye bũmb ye, m pa rɩk a gãndalsr meng ye.» La ned ba a ye ka le yet t'a maana woto la woto tɩ ka zems ye.

²⁰A sẽn waa n ki, n gãe a kũum gãaga, a kell n goma bãngd goama n togs dĩma a kũum sẽn na n yɩ a soaba. A koɛɛga ra yita tẽnga bog zulungẽ, la a ra gomda Wẽnd yʋʋr yĩnga, buuda yel-wẽnda pekr yĩnga.