Read SEBR SÕNGO, 1998 Sira biiga 49 Bible Online

Sira biiga 49 - SEBR SÕNGO, 1998 bible

Sira biiga 49

¹A Zoziyas [1] A Zoziyas yell tẽegre wẽnda b sẽn dɩk tɩdare n kalem taaba tɩ b yũug yaa noogo; wẽnda sɩɩdo sẽn noom neb fãa noorẽ; wẽnda bõn-wẽedi yʋʋmb sẽn wẽed dɩɩb roogẽ.

²Yẽ meng dɩka so-sõngo la a sõnga neb tɩ b tek b zʋg-wẽnga. A riga wẽn-yaalsa waoogre.

³A da nonga Soaala ne a sũur fãa, ba neba tʋʋma sẽn waa n lebg yoodã, a kɩtame tɩ b le rɩk tũudma sore. Zɩɩda yaoolem nanamse

⁴A Daviid, a Ezekiyas la a Zoziyas toog sẽn ka, dĩm dãmba sẽn ket-ba fãa maana yel-wẽn wʋsg-wʋsgo, b tõdga Yĩngri-Soaba noore: a Zɩɩda nanamse fãa looga a yeyn-ye n ka bas kibar sẽn sek toagsg ye.

⁵Wẽnd bas-b-la nanams a taab nusẽ, n deeg b ziirã n kõ buud a taaba.

⁶Bɛɛba yõoga tẽn-sõnga bugum, tẽng ning Wẽnd sẽn da welg toorã, tẽnga soya waa n lebga vɩɩdo wala a Zeremi sẽn da yeele.

⁷B waa n namsa a Zeremi, la Wẽnd yaool n da yãk-a lame t'a na n yɩ bãngda t'a nan ket a ma pʋgẽ, bãngd sẽn na n võ, n tus n lub la a wã, bãngd sẽn na n le me n yiki la a le sele. A Ezekiyɛl

⁸A Ezekiyɛl paama yĩngr likri la Wẽnnaam kɩtame tɩ b ziir puki, b kɩtame t'a puk malɛk rãmba bilim-bilma zugu.

⁹A kɩtame tɩ b tẽeg Wẽnd bɛɛba sẽn na n seg pɛt ningã la Wẽnd zo-rãmba sẽn na n paam naar ningã.

¹⁰Sã n ya bãngdba piig la a yiibã b gãand b yoond gãaga n gãand b bulumbuk gãaga. Bãmb n pids a Zakoob buuda ne raoodo, n fãag-b ne saagre la tẽeb sõngo. A Zorobabɛl la a Zozuwe

¹¹D na n yɩɩ wãn n pẽg a Zorobabɛl? Yẽ ra yaa wa b kaset nu-bĩnga [43] Soaala sẽn ning b nug rɩtgo.

¹²La d na n pẽga wãna a Zozuwe, a Zosadak biiga? Bãmb b yiib zamaanẽ, b mee wẽnd doogo b mee roog Soaala yĩnga, la b kõn tol n pẽg a neerma n sɛ ye. A Neemi

¹³Sã n ya a Neemi, b tẽegda yẽ yelle ne pẽgre, a yika tõnd lalse sẽn da lʋɩ, n maneg tõnd kʋɩlense, n le maneg tõnd rot n me. A Enok ne neb a taaba

¹⁴Ned ka be tẽng zugu tɩ b tõe n dɩk-a n mak ne a Enok ye. Yaa yẽ n dʋ yĩngrã n zãag ne tẽnga.

¹⁵Sã n ya a Zozɛf, yẽ me ka wẽnd neb a taab ye, a rɩɩ naam a kẽem dãmb zugu, n yɩ a buuda teegda. A paama waoogr buud fãa a kũum poore.

¹⁶A Sɛm ne a Sɛt paama pẽgre neb sʋka, sẽn yɩɩd fãa-fãa, ne pẽgre, yaa a Adem.