Read SEBR SÕNGO, 1998 Sira biiga 5 Bible Online

Sira biiga 5 - SEBR SÕNGO, 1998 bible

Sira biiga 5

¹Arzɛk soaba la yel-wẽn-maand wʋglem [1] Da teeg f arzɛkã la f da yeele: «M arzɛka seka maam!»

² [5†] Da bas tɩ f tʋlsem la f pãnga kɩt tɩ f tũ f sũur yamleed wẽns ye.

³Da yeele: «Ãn n tõe n maan maam bũmbu?» Tɩ Soaala wat n sɩbg-f lame.

⁴Da yeele: «Mam sẽn maan m yel-wẽna bõe n maan maam?» Ad Soaala ka yãgd ye.

⁵Da yeel tɩ sugr paoong yaa naana n maand yel-wẽna n samnẽ ye.

⁶Da yeele: B nimbãan-zoeer waooga, b na kõ m yel-wẽna sẽn ka tɛka sugri. B nengẽ nimbãan-zoeere beeme, baasgo b sũur puugda ne yel-wẽn-maandba.

⁷Da kaoos n lɛɛg n wa Soaala nengẽ ye, da yeel tɩ beoog ye, tɩ Soaala sũur tõe n puuga vugr bala, la sɩbgr daare na n wʋma foom.

⁸Da teeg arzɛgs wẽns ye, tɩ b ka tõe n sõng foom yell pakr wakat ye. Bãng goama

⁹Da yelg f goama sobg sẽn teesẽ ye, la f naoor da rɩk sor fãa sẽn dɩg f taoor ye. Yaool n yaa woto la zelem goalma rãmb maanda.

¹⁰Gãd f sẽn tagsda kẽnkẽ, la f da kẽ ka n yi ka ye.

¹¹Modg ne kelgre la maag f menga ne leokre.

¹²Fo sã n mi yelle, leok f tũud-n-taaga, f sã n ka mi, sĩnd f noore.

¹³Ned gomd n zẽkd-a, ned gomd n wat ne a yãnde, la ninsaal zelemde n sãamd a yelle.

¹⁴Da sak n maan tɩ b wa bool-f tɩ yʋ-sãamd ye. F zelemd gomd da yɩ bẽdg ye. Wagdre sã n yãet yãnde, zãmb soab me pa yãet pẽgr ye.

¹⁵Da sak n maan sẽn pa tog ye, zãag f meng ne yell bõoneg wala yell bɛda.