Read SEBR SÕNGO, 1998 Sira biiga 6 Bible Online

Sira biiga 6 - SEBR SÕNGO, 1998 bible

Sira biiga 6

¹Da yi zoodẽ n kẽ beemẽ ye. Yʋ-beoogo wata ne yãnde la yʋ-sãanga, yaa boto ne yel-wẽn-maanda sẽn tar zelem golemde.

²F sẽn dat tɩ f vɩɩma yɩ a soaba da naag ne zẽk-m-meng ye, tɩ f na n wa kong pãnga.

³F sẽn dat n lebg bũmb ninga wat n yaa tɩɩg sẽn ka vãoog la biiga, f wat n yɛsa wa tɩ-koɛɛnga.

⁴Yamleoog wẽnga wata ne ned menesgo, a kɩtdame tɩ bɛɛb wa laadẽ. Zoodo

⁵ [6†] Goam sẽn noogd sũuri paasda zo-rãmb sõore, la zelemd sẽn mi goam sẽn toge paamda leokr sõngo.

⁶Bɩ sẽn dat-b foom ne laafi wã sõor yɩ wʋsgo, la sã n ya sagenda tũus a yembre neb tusr sʋka.

⁷Fo sã n dat n yõg zood ne neda, maag f menga n tɩg a zʋgo, la f da yɩ pir-piri n pelg f pʋg ne-a ye.

⁸Nina yõgda zood ne foom, a sũur sã n noomẽ, la yell sã n wa pak foom, a daagda foom n base.

⁹Zoa nina beeme n wa lebg bɛyã, n dɩk yãmb zabr n togs tɩ wa lebg fo yãnde.

¹⁰Zoa nina beeme tɩ yãmb naagd taab n dɩtẽ, la yell sã n pak foom n sɛ, zood sɛ yã.

¹¹Fo nug sã n bʋgsa, a ne foom yaa zood menga.

¹²La far sã n wa kẽ foom n sɛ, a toog ka leb n be ne foom yɛs ye, a pa rat tɩ yãmb nif leb n seg taab ye.

¹³Zãag f menga ne f bɛɛba la gũus f menga ne f zo-rãmba.

¹⁴Zoa sõng ya sõangd kãsenga, fo sã n paam-a, fo pama arzɛka.

¹⁵Zoa sõng ka tar mak-n-taag ye, ka tõe n bãng a yõod tɛk ye.

¹⁶Zoa sõng yaa wala vɩɩm tɩɩm, sẽn kot-b Soaala paamd-a lame.

¹⁷Sẽn zoet-a Soaala, tara zo-rãmb sõma, tɩ fo sẽn yaa a soabã, fo ratame tɩ f zoa me yɩ boto. Yam vẽenem paoongo

¹⁸M biiga, al f yãadmẽ n ta f kʋʋlem, bao zãmsgo la bãngre, woto f na paam yam vẽenem.

¹⁹Wala koaada la bʋta, modg n paam n pẽneg-a, woto f na rok yõodo sẽn be barka; f na n nams ne a paoongo, la a kõn kaoos n wom a biis ye.

²⁰Yam vẽenem paoong yaa toog ne zɩtba, la nina yam yaa kɩdga t'a na n wẽneg n bas a pʋgbo.

²¹A yaa wa kug-zɩsgo t'a rɩkr sɛɛsd pãnga, t'a na n bas-a t'a wẽneg n lʋɩ.

²²Yam vẽenem toga ne a yʋʋrã, la ka neb wʋsg n paamd n yãend-a ye.

²³M biiga, kelg m goama neere, kelg m saglgã neere, reeg m sẽn sagend-f bũmb ningã.

²⁴Bas t'a za f nao wã, bas t'a sog foom a rabõanga.

²⁵Deeg a zɩɩbo f bãok zugu, la sak a sẽbr toogo.

²⁶Dɩk f meng n kõ-a ne f sũur fãa, la f tũ a soya ne f pãng fãa.

²⁷Bao a zĩiga tɩ f na gãd-a, f sã n paam-a, bɩ f tall-a neere,

²⁸tɩ tar n tarẽ, f na yãe laafi yẽ nengẽ, la a wat n lebga fo sũ-noogo.

²⁹A sẽn sẽbg foo ne gad niynsã na n yɩɩ fo lɛkd meng menga, la a rabõangã na n lebga f faong te-neere.

³⁰A raooga sẽn palgd yubla na n lebga faong bũmbu sẽn yõg ne sãnem, la a wĩ loetsa na n lebga nufa.

³¹Fo na yeelg-a wala waoogr fuugu, la f sẽbg-a wala f zu-noog dĩ-tɛɛgdga.

³²M biiga, fo sã n data, zãms neere. Fo sã n sak n zãms neere, f na paam yam.

³³Fõ sã n nong kelgre, fo bãngdame, la f na n yɩɩ sõngo.

³⁴Bao nin-kẽems zĩiga, la f sã n yaẽ nin-sõngo, pʋg-a.

³⁵Gomd sẽn yit Wẽnd nengẽ fãa, kelg-a neere, la f zãms yelbũn sõma neere.

³⁶Fo sã n yãe nin-tɩrga, kẽng a nengẽ yibeoog fãa, la da viig a zakẽ kẽnd ye.

³⁷Bʋgs Wẽnnaam noya f yamẽ, la f kelg-b neere wakat buud fãa. Bãmb n na n keng fo sũuri tɩ f paam yam vẽenema wa f sẽn datã.