Read SEBR SÕNGO, 1998 A izayi sebre 31 Bible Online

A izayi sebre 31 - SEBR SÕNGO, 1998 bible

A izayi sebre 31

¹Yell bee ne neb niyns fãa sẽn kẽnd-b Ezipt n na n tɩ bao sõngre, n teeg b wiid tĩiga, n teeg b bilim-bilm! B teega b wiidi wã, b teega b bilim-bilma tɩ b sõor ka be tɛk ye. B teega b wiidi wã pãnga. B yaool n ka teeg Israyɛl Nin-Sõnga baa bilfu, b yaool n pa sokd Soaala-Wẽnd daab ye.

²Wẽnd me ra tõeeme n wa ne sagl-sõngo, b ra tõee n wilgẽ-b lame tɩ b ka pʋlem Ezipt noog ye. B yeelame tɩ b na n yika ne nin-wẽnsã, n yik ne nin-yood niyns y sẽn kot b rãmb sõngrã.

³Ezipt ned yaa ninsaala, a ka wẽnd ye, b wiidi wã yaa nemdo, ka malɛgs buud ye, Soaala-Wẽnd sã n tẽeg b nug bala, la sõangda sẽn latemde, la a sẽn da waa a soab sõngrã na n konga sõngre, b yiiba na n naaga taab n ki.

⁴N-ye! Naaba-Wẽnd goma ne maam woto: «Bõnyẽega bɩ bõnyẽ-bila sã n yõk rũnga, n gãe n wũunẽ, ad-y yã a pa yɛɛsde, a pa suusdi; a toog ka ne pe-kɩɩmba kɛlenga, a toog ka ne pe-kɩɩmba gãngãada ye. Na n yɩɩ boto me ne maam, dũni fãa Soaalã. M na n siga Siõ tãmsã zugu, n zab m zabre.

⁵Wala luiili sẽn tẽegd b pɩgsa, n põgend b kamba, woto me dũni fãa Soaala na n gũu Zerizalɛɛm n lill-a ne a bɛɛba, n fãag-a, n bas n ka sɩbg-a, t'a tɩlge.

⁶Lɛɛg-y n wa kẽ yãmb sẽn bas a soab zãngã, Israyɛl kamba.

⁷Daar n wate tɩ ned kam fãa na n bas a wanzurfu, n bas a sãnem nin-naandse a sẽn kɩɩs n dõog ne a nugu.

⁸Pa sʋʋg sẽn ya ninsaal sʋʋga, n na kʋ Asʋr ye, la pa sʋʋg sẽn ya ninsaal sʋʋga n na n pas-a ye. A na n wudg n põsa sʋʋga la b na n paama a kom-bɩɩbã n kẽes tʋʋma.

⁹Asʋr ne pĩig ning a sẽn dellã na n diga rabeem wʋsgo, n zoe n looge, a tãnsoaben-dãmba sẽn wat n yãend Wẽnd tãb-kaoorã sẽn laande.» Yaa Soaala n togsd rẽnna, bãmb bugum n wit Siõ, bãmb bug-toaalga yõgna Zerizalɛɛm.