Read SEBR SÕNGO, 1998 A izayi sebre 35 Bible Online

A izayi sebre 35 - SEBR SÕNGO, 1998 bible

A izayi sebre 35

¹Tẽns sẽn ya zĩ-peen-daase, tẽns sẽn kʋɩ, lang-y sũ-noogo, la ning-y puudu.

²Ypuda reeg b pʋtã n weke; tẽng koɛɛnga yɩge la a sao la a kelem sũ-noogo! A na n paama ziir wa Libã n paam ziir wa Karmɛl la Sarõ; yaa Wẽnde, tõnd Wẽnda la d Soaala, bãmb vẽenema la b ziirã n na n bui-a.

³ [64†] Kɩt tɩ yaamse da kẽ nus ye, kɩt-y tɩ rũma da le rig rabeem ye.

⁴Yeel-y yɩɩr sẽn tar b rãmba: «Aya! Keng-y y sũuri, da zoe-y rabeem ye, Soaala n wat n na n dok b sũuri, b wat n na sɩbga b bɛɛbã, b wat n na n fãag-y lame.»

⁵Wakat kãnga zoeens nin na n pukame, wʋms tʋb na n yoogame.

⁶ [65†] Woabg na n wudga wa walga, muk zelemd na n pãra a sũ-noogo. Zĩ-peen-daag na n bula koom, ko-zoetem na n zoe zĩ-pɛɛlẽ.

⁷Dasempʋɩɩg na n lebga bãoogo, ko-yũud tẽng na n tẽgna ko-yɩlma, we-baas tẽnga na n lebga rudma la bãng-n-sãag sẽn pag n yɛsẽ.

⁸So-raoog na n pɩʋʋga be, tɩ b bool-a tɩ sor sẽn welg toore; nin-dẽgd soab pa rɩkd so-kãng ye, Soaala meng n na n pak sorã, gãeems kõn saag n tũ so-kãng ye.

⁹Bõnyẽeg kõn le zĩnd ye, we-rũng kõn le tab be ye; b sẽn fãag b rãmba bala n na dɩk so-kãnga.

¹⁰ [66†] So-kãng la Wẽnd sẽn fãag b rãmb na n dɩke, b na n waa Siõ, n kaasd sũ-noogo, b nensa na n pɩla ne sũ-noog sẽn ka be sɛɛb ye. Kɩdengo la saooga n kelle, namsgo la waasgo sɛɛme.